Pinhole Intervention | കോഴിക്കോട് ആസ്റ്റർ മിംസിലെ ഡോ. മുഹമ്മദ് റഫീഖിന് കാസർകോട് അരമന ആശുപത്രിയിൽ ഉജ്വല സ്വീകരണം; 'പിൻഹോൾ ഇന്റെർവെൻഷൻ' ചികിത്സ തുടങ്ങി

സ്ത്രീകളെ ബുദ്ധിമുട്ടിക്കുന്ന രോഗങ്ങളായ ഗർഭാശയ മുഴകൾ, തൈറോയ്ഡ്, മാറിലെ മുഴകൾ എന്നിവ ശസ്ത്രക്രിയ ഇല്ലാതെ നീക്കം ചെയ്യുന്നതിനുള്ള നൂതന ചികിത്സാ രീതിയാണ് പിൻഹോൾ ഇന്റെർവെൻഷൻ. കൂടാതെ വെരികോസ് വെയ്ൻ ഗ്ലൂ തെറാപി, പ്രോസ്‌റ്റേറ്റ് വീക്കത്തിന് ചികിത്സ, മരുന്നില്ലാതെ രക്തസമ്മർദം കുറക്കുന്ന റീനൽ ഡിനെർവേഷൻ തെറാപി തുടങ്ങിയ ചികിത്സയും പിൻഹോൾ ഇന്റർവെൻഷനിലൂടെ നിർവഹിക്കാവുന്നതാണ്.

ഈ മേഖലയിൽ വൈദഗ്ധ്യമുള്ള ഡോക്ടറാണ് മുഹമ്മദ് റഫീഖ്. ന്യൂറോളജി, ക്ലിനികൽ ഇമേജിംഗ് ആൻഡ് ഇന്റർവെൻഷനൽ റേഡിയോളജിയിൽ സ്പെഷ്യലിസ്റ്റായ അദ്ദേഹം എംബിബിഎസ്, എംഡി, ഡിഎംആർഡി, പിഡിസിസി (ഇന്റർവെൻഷണൽ വാസ്കുലർ & ന്യൂറോറഡിയോളജി) എന്നിങ്ങനെ ബിരുദങ്ങൾ നേടിയിട്ടുണ്ട്. ന്യൂറോ ഇന്റർവെൻഷൻ സീനിയർ കൺസൾടന്റായി സേവനം അനുഷ്ഠിച്ച് വരികയാണ്.

ആസ്റ്റർ ഇൻഡ്യ വൈസ് പ്രസിഡന്റ് ഫർഹാൻ യാസീന്റെ ഇടപെടലാണ് പല ഘട്ടങ്ങളിലായി കാസർകോട്ട് അരമന ആശുപത്രിയുമായി സഹകരിച്ച് വിദഗ്ധ ഡോക്ടർമാരുടെ സേവനം ലഭ്യമാക്കാൻ നിമിത്തമായത്. ആസ്റ്റർ ചെയർമാൻ ഡോ. ആസാദ് മൂപ്പൻ, അരമന ആശുപത്രി ചെയർമാനായിരുന്ന പരേതനായ ഡോ. സകരിയ്യയുമായി ഉണ്ടാക്കിയ ധാരണയിൻ മേലാണ് ഏതാനും വർഷങ്ങൾക്ക് മുമ്പ് ആസ്റ്ററിലെ വിദഗ്ധ ഡോക്ടർമാരുടെ സേവനം കാസർകോട്ട് അരമനയിൽ തുടക്കം കുറിച്ചത്.