കാഞ്ഞങ്ങാട്ടു നിന്നും കാണാതായ പ്ലസ് ടു വിദ്യാർത്ഥിനി കാമുകനൊപ്പം തലശേരിയിൽ
Jan 2, 2021, 18:46 IST
കാഞ്ഞങ്ങാട്: (www.kasargodvartha.com 02.01.2021) കാഞ്ഞങ്ങാട്ടു നിന്നും ഒളിച്ചോടിയ പ്ലസ് ടു വിദ്യാർത്ഥിനി തലശ്ശേരിയിൽ ഉള്ളതായി പൊലീസിന് വിവരം ലഭിച്ചു. രണ്ടുദിവസം മുമ്പ് ബല്ലാകടപ്പുറം ആവിക്കലിൽ നിന്നും കാണാതായ ബല്ല ഗവൺമെൻറ് ഹയർ സെകൻഡറി സ്കൂളിലെ പ്ലസ് ടു വിദ്യാർഥിനി അനഘയാണ് തലശേരിയിലുള്ളതായി പൊലീസിന് വിവരം ലഭിച്ചത്. തലശ്ശേരിയിലെ ബന്ധുവായ ഷാനിനോടൊപ്പം താനുണ്ടെന്നും തങ്ങൾ വിവാഹിതരായതായും അനഘ പൊലീസിനോട് പറഞ്ഞു.
രണ്ട് ദിവസം മുമ്പ് ആശുപത്രിയിലേക്കാണെന്നും പറഞ്ഞ് വീട്ടിൽ നിന്നും ഇറങ്ങിയ അനഘ പിന്നീട് തിരിച്ചെത്തിയില്ല. തുടർന്ന് മാതാവ് നൽകിയ പരാതിയുടെ അടിസ്ഥാനത്തിൽ ഹൊസ്ദുർഗ് പൊലീസ് കേസെടുത്ത് അന്വേഷണം നടത്തുമ്പോഴാണ് അനഘ തലശേരിയിൽ ഉണ്ടെന്ന് വിവരം ലഭിച്ചത്.
Keywords: Kerala, News, Kasaragod, Kanhangad, Girl, Missing, Love, Police, Top-Headlines, Missing Plus Two student from Kanhangad with her boyfriend in Thalassery.
< !- START disable copy paste --> Tags
Share this story
