കാസർകോട്ട് കോവിഡ് പരിശോധന നാല് ലക്ഷം കവിഞ്ഞു; ലക്ഷണമുള്ളവരും സമ്പർക്കത്തിലേർപ്പെട്ടവരും ടെസ്റ്റിന് വിധേയരാകണമെന്ന് മെഡികൽ ഓഫീസർ

കോവിഡ് രോഗികളുടെ എണ്ണം വർധിക്കുന്ന സാഹചര്യത്തിൽ രോഗലക്ഷണങ്ങളുള്ളവരും സമ്പർക്കത്തിലേർപ്പെട്ടവരും നിർബന്ധമായും കോവിഡ് ടെസ്റ്റിന് വിധേയരാകണമെന്ന് അദ്ദേഹം അഭ്യർഥിച്ചു. കോവിഡ് വ്യാപനം തടയുന്നതിനായി പൊതുജനങ്ങൾ ആരോഗ്യവകുപ്പിന്റെ നിർദേശങ്ങൾ കർശനമായി പാലിക്കണമെന്ന് അദ്ദേഹം പറഞ്ഞു. മൂക്കും വായും മറയുന്ന വിധത്തിൽ ശരിയായ രീതിയിൽ മാസ്‌ക് ധരിക്കുക. ആളുകൾ തമ്മിൽ രണ്ട് മീറ്റർ ശാരീരിക അകലം പാലിക്കുക. കൈകൾ സോപ്പും വെള്ളവും ഉപയോഗിച്ച് കഴുകുകയോ ഹാൻഡ് സാനിറ്റൈസർ ഉപയോഗിച്ച് അണുവിമുക്തമാക്കുകയോ ചെയ്യേണ്ടതാണ്. അത്യാവശ്യത്തിനുമാത്രം പുറത്തിറങ്ങുക. ആളുകൾ കൂട്ടംകൂടി നിൽക്കുന്നത് ഒഴിവാക്കുക. മതിയായ കാരണങ്ങളില്ലെങ്കിൽ ആശുപത്രി സന്ദർശനങ്ങൾ ഒഴിവാക്കേണ്ടതാണ്. ഇ-സഞ്ജീവനി സേവനം പരമാവധി ഉപയോഗിക്കുക.

ബുധാഴ്ച പ്രാഥമികാരോഗ്യകേന്ദ്രം അടൂർ, കുമ്പഡാജെ എന്നീ സർകാർ ആശുപത്രികളിലും സൺറൈസ്‌ ഹോസ്പിറ്റൽ കാഞ്ഞങ്ങാട്, കെ എച് എം ഹോസ്പിറ്റൽ ചെറുവത്തൂർ, കെയർവെൽ ഹോസ്പിറ്റൽ കാസർകോട്, ജനാർദന ഹോസ്പിറ്റൽ കാസർകോട്, മാലിക് ദീനാർ ഹോസ്പിറ്റൽ കാസർകോട് എന്നീ സ്വകാര്യ ആശുപത്രികളിലും വാക്സിനേഷൻ ഉണ്ടായിരിക്കുന്നതാണ്. < !- START disable copy paste -->