Medicine Price | സാധാരണക്കാർക്ക് ആശ്വാസം; പ്രമേഹം, ഉയർന്ന രക്തസമ്മർദം എന്നിവയുടേത് അടക്കം 74 മരുന്നുകളുടെ ചില്ലറ വില നിശ്ചയിച്ച് കേന്ദ്രസർക്കാർ; പുതിയ നിരക്കുകൾ ഇങ്ങനെ
Feb 28, 2023, 13:40 IST
ന്യൂഡെൽഹി: (www.kasargodvartha.com) പ്രമേഹം, ഉയർന്ന രക്തസമ്മർദം എന്നിവയ്ക്ക് എതിരെയുള്ളത് അടക്കമുള്ള 74 മരുന്നുകളുടെ ചില്ലറ വില നിശ്ചയിച്ച് നാഷണൽ ഫാർമസ്യൂട്ടിക്കൽ പ്രൈസിംഗ് അതോറിറ്റി (NPPA) വിജ്ഞാപനം പുറപ്പെടുവിച്ചു. ഫെബ്രുവരി 21ന് ചേർന്ന അതോറിറ്റിയുടെ 109-ാമത് യോഗത്തിൽ എടുത്ത തീരുമാനത്തിന്റെ അടിസ്ഥാനത്തിലാണ് 2013 ലെ ഡ്രഗ്സ് (വില നിയന്ത്രണ) ഉത്തരവ് പ്രകാരം എൻപിപിഎ മരുന്നുകളുടെ വില നിശ്ചയിച്ചത്.
വിജ്ഞാപനമനുസരിച്ച്, ഡാപാഗ്ലിഫ്ലോസിൻ സിറ്റാഗ്ലിപ്റ്റിൻ, മെറ്റ്ഫോർമിൻ ഹൈഡ്രോക്ലോറൈഡ് (എക്സ്റ്റെൻഡഡ്-റിലീസ് ടാബ്ലെറ്റ്) എന്നിവയുടെ ഒരു ഗുളികയ്ക്ക് 27.75 രൂപയായി നിജപ്പെടുത്തി. ഉയർന്ന രക്തസമ്മർദം, ഹൃദയസ്തംഭനം, പ്രമേഹം, വൃക്കരോഗം എന്നിവ ചികിത്സിക്കാൻ ഉപയോഗിക്കുന്ന ടെൽമിസാർട്ടൻ, ഹൃദ്രോഗത്തിന് ഉപയോഗിക്കുന്ന ബിസോപ്രോളോൾ ഫ്യൂമറേറ്റ് എന്നിവയ്ക്കും വില കുറച്ചിട്ടുണ്ട്. ഒരു ടാബ്ലെറ്റിന്റെ വില 10.92 രൂപയായാണ് കുറച്ചത്.
അപസ്മാരം, ന്യൂട്രോപീനിയ എന്നിവയുടെ ചികിത്സയിൽ ഉപയോഗിക്കുന്നതുൾപ്പെടെ 80 വിജ്ഞാപനം ചെയ്ത മരുന്നുകളുടെ (NLEM 2022) പരിധി വിലയും എൻപിപിഎ പരിഷ്കരിച്ചിട്ടുണ്ട്. കൂടാതെ, സോഡിയം വാൾപ്രോട്ടിന്റെ (20 മില്ലി ഗ്രാം) വിലയും കുറച്ചിട്ടുണ്ട്. ഒരു ടാബ്ലെറ്റിന്റെ വില 3.20 രൂപയായാണ് നിശ്ചയിച്ചത്. ഇതുകൂടാതെ, ഫിൽഗ്രാസ്റ്റിം കുത്തിവയ്പ്പിന്റെ (ഒരു കുപ്പി) വില 1,034.51 രൂപയായിരിക്കും. ഇതിനുപുറമെ, ഹൈഡ്രോകോർട്ടിസോൺ എന്ന സ്റ്റിറോയിഡിന്റെ വില ഒരു ടാബ്ലെറ്റിന് 13.28 രൂപയാക്കിയിട്ടുണ്ട്.
അപസ്മാരം, ന്യൂട്രോപീനിയ എന്നിവയുടെ ചികിത്സയിൽ ഉപയോഗിക്കുന്നതുൾപ്പെടെ 80 വിജ്ഞാപനം ചെയ്ത മരുന്നുകളുടെ (NLEM 2022) പരിധി വിലയും എൻപിപിഎ പരിഷ്കരിച്ചിട്ടുണ്ട്. കൂടാതെ, സോഡിയം വാൾപ്രോട്ടിന്റെ (20 മില്ലി ഗ്രാം) വിലയും കുറച്ചിട്ടുണ്ട്. ഒരു ടാബ്ലെറ്റിന്റെ വില 3.20 രൂപയായാണ് നിശ്ചയിച്ചത്. ഇതുകൂടാതെ, ഫിൽഗ്രാസ്റ്റിം കുത്തിവയ്പ്പിന്റെ (ഒരു കുപ്പി) വില 1,034.51 രൂപയായിരിക്കും. ഇതിനുപുറമെ, ഹൈഡ്രോകോർട്ടിസോൺ എന്ന സ്റ്റിറോയിഡിന്റെ വില ഒരു ടാബ്ലെറ്റിന് 13.28 രൂപയാക്കിയിട്ടുണ്ട്.
നിയന്ത്രിത ബൾക്ക് മരുന്നുകളുടെയും ഫോർമുലേഷനുകളുടെയും വിലകൾ നിശ്ചയിക്കുന്നതിനും പരിഷ്കരിക്കുന്നതിനും രാജ്യത്ത് മരുന്നുകളുടെ വിലയും ലഭ്യതയും നടപ്പിലാക്കുന്നതിനും അധികാരമുള്ള അതോറിറ്റിയാണ് എൻപിപിഎ. റെഗുലേറ്റർ ഡ്രഗ്സ് (വില നിയന്ത്രണം) ഉത്തരവിലെ വ്യവസ്ഥകൾ നടപ്പിലാക്കുകയും ചെയ്യുന്നു. നിയന്ത്രിത മരുന്നുകൾക്കായി നിർമാതാക്കൾ അമിതമായി ഈടാക്കുന്ന തുക തിരിച്ചുപിടിക്കാനുള്ള ചുമതലയും ഇതിനുണ്ട്.
Keywords: Latest-News, Top-Headlines, Government-of-India, Price, Health-Department, Heart patient, Patient's, Centre fixes retail prices of diabetes, high blood pressure, 74 other medicines; Check latest rates.