കാസര്‍കോട് ജില്ലയിലെ രണ്ടു പഞ്ചായത്തുകളിലെ വാര്‍ഡുകളില്‍ ഉപതിരഞ്ഞെടുപ്പ് 29ന്

By Web Desk - MainNov 2, 2018, 11:05 IST

കാസര്‍കോട്: (www.kasargodvartha.com 02.11.2018) കാസര്‍കോട് ജില്ലയിലെ രണ്ടു പഞ്ചായത്തുകളിലെ വാര്‍ഡുകളില്‍ ഉപതിരഞ്ഞെടുപ്പ് നവംബര്‍ 29ന് നടക്കും. ബേഡഡുക്ക പഞ്ചായത്തിലെ അഞ്ചാംവാര്‍ഡായ ബിംബുങ്കാല്‍, കയ്യൂര്‍ ചീമേനി പഞ്ചായത്തിലെ അഞ്ചാംവാര്‍ഡായ ചെറിയാക്കര എന്നിവിടങ്ങളിലാണ് ഉപതിരഞ്ഞെടുപ്പ് നടക്കുന്നത്.

ബീംബുങ്കാലില്‍ സ്റ്റാന്‍ഡിംഗ് കമ്മിറ്റിയംഗമായ സി.പി.എമ്മിലെ എം സുകുമാരന്‍ ആത്മഹത്യ ചെയ്തതിനെ തുടര്‍ന്നാണ് ഒഴിവുവന്നത്. ചെറിയാക്കരയില്‍ സി.പി.എം. അംഗമായിരുന്ന എം വിജയകുമാരി ജോലി കിട്ടയിതിനാല്‍ രാജിവെച്ചതുകൊണ്ടാണ് ഒഴിവുവന്നത്. 16 വാര്‍ഡുകള്‍ വീതമുള്ള രണ്ട് പഞ്ചായത്തുകളിലും 15 സീറ്റു വീതം ഇടതുമുന്നണിക്കുണ്ട്.