Counting | വോടെണ്ണല് തുടങ്ങി, ആദ്യഫലസൂചനകള് 8.30 മണിയോടെ
രാവിലെ 8.30 മുതല് വിവിധ മണ്ഡലങ്ങളിലെ ഇവിഎം വോട്ടുകള് എണ്ണി തുടങ്ങും
പെരിയ: (KasaragodVartha) ലോക്സഭാ തിരഞ്ഞെടുപ്പിന്റെ വോടെണ്ണല് നടപടികള് ആരംഭിച്ചു. ആദ്യഫല സൂചനകള് 8.30 മണിയോടെ ഉണ്ടാകും. പോസ്റ്റല് ബാലറ്റുകളാണ് ആദ്യമെണ്ണുന്നത്. പെരിയ കേന്ദ്രസര്വകലാശാലയിലെ കാവേരി, സബര്മതി, ഗംഗോത്രി ബ്ലോകുകളിലായാണ് കാസര്കോട് പാര്ലിമെന്റ് മണ്ഡലത്തിലെ ഏഴ് നിയമസഭാ മണ്ഡലത്തിലെ വോടെണ്ണല് നടക്കുന്നത്.
മഞ്ചേശ്വരം, കാസര്കോട്, ഉദുമ മണ്ഡലങ്ങളിലെ വോടെണ്ണല് ഗംഗോത്രി ബ്ലോകിലും. കാഞ്ഞങ്ങാട്, തൃക്കരിപ്പൂര്, പയ്യന്നൂര്, കല്യാശേരി മണ്ഡലങ്ങളിലെ വോട്ടെണ്ണല് കാവേരി ബ്ലോകിലുമാണ് നടക്കുന്നത്.
രാവിലെ നാല് മണിക്ക് തന്നെ ഗംഗോത്രി ബ്ലോകില് പോസ്റ്റല് ബാലറ്റ് സ്ട്രോങ് റൂം തുറന്ന് കലക്ട്രേറ്റില് രാവിലെ അഞ്ച് മണിക്ക് ഇടിപിബിഎസ് സ്ട്രോങ് റൂം തുറന്ന് 7.30 മണിയോടെയാണ് ഇവിഎം മെഷീനുകള് കൗണ്ടിങ് ടേബിളില് എത്തിച്ചത്. ആദ്യ സൂചനകള് അല്പസമയത്തിനുള്ളില് ലഭിക്കും.
