Ramadan | റമദാൻ വിടവാങ്ങുന്നു; അവസാന വെള്ളിയിൽ പള്ളികളിൽ വിശ്വാസികളുടെ തിരക്ക്

കാസര്‍കോട്: (KasargodVartha) റമദാൻ മാസത്തിലെ അവസാന വെള്ളിയാഴ്ച വിശ്വാസികൾ പള്ളികളിൽ ഒത്തുകൂടി പ്രാർത്ഥനകളിൽ മുഴുകി. ഇക്കുറി 27-ാം നോമ്പും വെള്ളിയാഴ്ചയും ഒരുമിച്ച് വന്നത് വിശ്വാസികൾക്ക് ഇരട്ടി സന്തോഷം നൽകി. ചെറിയ പെരുന്നാളിന് ദിവസങ്ങൾ മാത്രം ബാക്കി നിൽക്കെ പള്ളികളിൽ വിശ്വാസികളുടെ തിരക്ക് വർദ്ധിച്ചു.

അവസാന വെള്ളിയാഴ്ചയിലെ ജുമുഅ പ്രഭാഷണങ്ങളിൽ വ്രതാനുഷ്ഠാനത്തിലൂടെ നേടിയെടുത്ത നന്മകൾ ജീവിതത്തിൽ പകർത്താൻ പണ്ഡിതന്മാർ വിശ്വാസികളെ ഉദ്‌ബോധിപ്പിച്ചു. തളങ്കര മാലിക് ദീനാർ, നെല്ലിക്കുന്ന് മുഹ് യുദ്ദീൻ മസ്ജിദ് തുടങ്ങിയ ജില്ലയിലെ മിക്ക പള്ളികളിലെല്ലാം വിശ്വാസികളുടെ വലിയ തിരക്കാണ് അനുഭവപ്പെട്ടത്.

പെരുന്നാളിന്റെ ചന്ദ്രക്കല മാനത്ത് തെളിയുന്നതും കാത്ത് വിശ്വാസികൾ കാത്തിരിക്കുകയാണ്. സ്നേഹത്തിന്റെയും സാഹോദര്യത്തിന്റെയും കൂട്ടായ്മയുടെയും ആഘോഷമായ ചെറിയ പെരുന്നാളിന്റെ ഭാഗമായി നിർബന്ധിത സക്കാത്ത് വിതരണത്തിനുള്ള തയ്യാറെടുപ്പുകളും നടക്കുന്നുണ്ട്. പാവപ്പെട്ടവരെയും പണക്കാരെയും ഒരേ മനസ്സോടെ ഒരുമിപ്പിക്കുക എന്ന ലക്ഷ്യത്തോടെയാണ് ഈ ആഘോഷം.

ഈ റമദാൻ വിശേഷങ്ങളെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുമല്ലോ?

Mosques in Kasaragod were filled with believers on the last Friday of Ramadan, coinciding with the 27th day of fasting. Believers welcomed Laylat al-Qadr and prepared for Eid-ul-Fitr, with scholars emphasizing spiritual reflection.

#Ramadan, #LaylatAlQadr, #EidUlFitr, #Mosques, #Faith, #Kasaragod