Danger | കാസർകോട് നഗരഹൃദയത്തിൽ ജനത്തിരക്കേറിയ സ്ഥലത്ത് വലിയ ഭീഷണി; തുരുമ്പെടുത്ത് ഒറ്റക്കാലിൽ ഇരുമ്പ് വൈദ്യുതി തൂൺ, ഏത് നിമിഷവും തകർന്ന് വീഴാവുന്ന നിലയിൽ!

കാസർകോട്: (KasargodVartha) നഗരഹൃദയത്തിൽ ഏതുനിമിഷവും നിലം പതിക്കാവുന്ന നിലയിലായ വൈദ്യുതി തൂൺ ആശങ്ക സൃഷ്ടിക്കുന്നു. പഴയ ബസ് സ്റ്റാൻഡ് പരിസരത്ത് എം ജി റോഡിൽ, ദീപ ഗോൾഡിന് മുന്നിൽ സ്ഥിതിചെയ്യുന്ന വലിയ ഇരുമ്പ് തൂണാണ് തുരുമ്പെടുത്ത് അപകടാവസ്ഥയിലുള്ളത്. തൂണിന്റെ ഒരു ഭാഗത്തെ അടിഭാഗം മുഴുവൻ തകർന്ന നിലയിലാണ്. 

നിരവധി വാഹനങ്ങളും ആളുകളും നിരന്തരം സഞ്ചരിക്കുന്ന ഈ തിരക്കേറിയ പ്രദേശത്ത് സ്ഥിതി ചെയ്യുന്ന ഈ തൂൺ തകർന്നു വീണാൽ ഉണ്ടാകാവുന്ന ദുരന്തം ഊഹിക്കാവുന്നതിലും അപ്പുറമായിരിക്കുമെന്ന് വ്യാപാരികളും പൊതുജനങ്ങളും മുന്നറിയിപ്പ് നൽകുന്നു. തുരുമ്പെടുത്ത തൂണും അതിലൂടെ കടന്നുപോകുന്ന ഹൈടെൻഷൻ കമ്പികളും വലിയ ഭീഷണിയാണ്. 

ഈ അപകടാവസ്ഥയിലും അധികൃതർ ഇതുവരെ യാതൊരു നടപടിയും സ്വീകരിച്ചിട്ടില്ല എന്നത് കൂടുതൽ ആശങ്കയ്ക്ക് ഇടയാക്കുന്നു. തുരുമ്പെടുത്ത തൂൺ മാറ്റി പുതിയ തൂൺ സ്ഥാപിക്കുക എന്നതാണ് ഈ പ്രശ്നത്തിനുള്ള ഏക പരിഹാരം. ഇതിനായി അധികൃതർ ഉടൻ തന്നെ ഇടപെടണമെന്നാണ് പൊതുജനങ്ങളുടെ ആവശ്യം.
 

#Kasaragod #Kerala #safetyfirst #electricpole #urgent #action #authorities #publicsafety