ദേശീയ പണിമുടക്ക്: കാസർകോട്ട് ഹർത്താലിന്റെ പ്രതീതി

കാസർകോട്: (www.kasargodvartha.com 26.11.2020) കേന്ദ്ര സർക്കാർ നയങ്ങൾക്കെതിരെ സംയുക്ക ട്രേഡ് യൂണിയൻ നടത്തുന്ന ദേശീയ പണിമുടക്ക് ബുധനാഴ്ച അർദ്ധ രാത്രി മുതൽ ആരംഭിച്ചു. ജില്ലയിൽ പണിമുടക്ക് ഹർത്താലിന്റെ പ്രതീതിയാണ് സൃഷ്ടിച്ചത്‌.

കടകമ്പോളങ്ങൾ അടഞ്ഞു കിടക്കുകയാണ്. ഇരുചക്ര വാഹനങ്ങൾ മാത്രമാണ് നിറത്തിറിങ്ങിയത്. ടാക്സികളും സ്വകാര്യ - ട്രാൻസ്‌പോർട് ബസ്സുകളും പണിമുടക്കിൽ പങ്കെടുത്തു. സർക്കാർ-അർദ്ധ സർക്കാർ സ്ഥാപനങ്ങളും ബാങ്കുകളും പൂർണ്ണമായും അടഞ്ഞു കിടക്കുകയാണ്. 

പണിമുടക്കിനോടനുബന്ധിച്ച്, സംയുക്ത ട്രേഡ് യൂണിയണിന്റെ നേതൃത്വത്തിൽ കാസർകോട് ടൗണിൽ പ്രകടനം നടത്തി. പുതിയ ബസ്സ്റ്റാൻഡിൽ നിന്നും ആരംഭിച്ച് പഴയ ബസ്റ്റാന്റ് പരിസരത്തു സമാപിച്ചു. സി ഐ ടി യു, ഐ എൻ ടി യു സി, എ ഐ ടി യു സി, എസ് ടി യു, എൻ എൽ യു, യു ടി യു സി, കെ യു ഡബ്ള്യു ജെ തുടങ്ങിയ സംഘനകളുടെ നേതാക്കൾ അണിനിരന്നു.