Kathua | ജമ്മു കശ്മീരിലെ കത്വയില് ഏറ്റുമുട്ടല്‍; 3 പൊലീസുകാര്‍ക്ക് വീരമൃത്യു, '3 ഭീകരരെ വധിച്ചു'
● രാജ്ബാഗിലെ ഘടി ജുതാന മേഖലയിലായിരുന്നു ഏറ്റുമുട്ടല്‍.
● 4 ദിവസം മുമ്പാണ് ഏറ്റുമുട്ടല്‍ തുടങ്ങിയത്.
● 'ഗ്രാമീണ മേഖലയിലേക്ക് കടന്ന ഭീകരര്‍ വനത്തിലേക്ക് രക്ഷപ്പെട്ടു.'
● സുരക്ഷാ സ്ഥിതിഗതികള്‍ കൂടുതല്‍ സങ്കീര്‍ണ്ണം.
● ജമ്മു-പത്താന്‍കോട്ട് ദേശീയപാതയില്‍ കനത്ത ജാഗ്രത.
ശ്രീനഗര്‍: (KasargodVartha) ജമ്മു കശ്മീരിലെ കത്വയില് ഭീകരരുമായുണ്ടായ രൂക്ഷമായ ഏറ്റുമുട്ടലില് മൂന്ന് പോലീസ് ഉദ്യോഗസ്ഥര്‍ വീരമൃത്യു വരിച്ചതായി അധികൃതര്‍. താരിഖ് അഹമ്മദ്, ജസ്വന്ത് സിംഗ്, ബല്‍വീന്ദര്‍ സിംഗ് എന്നിവരാണ് ജീവന്‍ വെടിഞ്ഞത്. ഡെപ്യൂട്ടി സൂപ്രണ്ട് ഉള്‍പ്പെടെ ഏഴു പേര്‍ക്ക് പരിക്കേറ്റിട്ടുണ്ട്.
ശക്തമായി തിരിച്ചടിച്ചടിച്ചതായും ഏറ്റുമുട്ടലില് ഒരു ഭീകരനെ വധിച്ചിട്ടുണ്ടെന്നും ഇതോടെ മരിച്ച ഭീകരരുടെ എണ്ണം മൂന്നായെന്നും സുരക്ഷാ സേന അറിയിച്ചു. നിലവില്‍ വൈകിയും പ്രദേശത്ത് ഏറ്റുമുട്ടല്‍ തുടരുകയാണ്. രാജ്ബാഗിലെ ഘടി ജുതാന മേഖലയിലായിരുന്നു ഏറ്റുമുട്ടല്‍.
കഴിഞ്ഞ നാല് ദിവസമായി കത്വയിലെ ഹീരാനഗറില്‍ ഗ്രാമീണര്‍ താമസിക്കുന്ന മേഖലയില്‍ ഭീകരരുടെ സാന്നിധ്യം റിപ്പോര്‍ട്ട് ചെയ്യപ്പെട്ടിരുന്നു. ഗ്രാമീണ മേഖലയിലേക്ക് കടന്ന ഭീകരര്‍ വനത്തിലേക്ക് രക്ഷപ്പെടുകയായിരുന്നു. വെള്ളിയാഴ്ച രാവിലെ, ഹീരാനഗറില്‍ നിന്ന് 26 കിലോമീറ്റര്‍ അകലെയുള്ള വനത്തില്‍ ഭീകരരുടെ സാന്നിധ്യം കണ്ടെത്തിയതിനെ തുടര്‍ന്ന് സുരക്ഷാ സേന തിരച്ചില്‍ ആരംഭിക്കുകയായിരുന്നു.
അഞ്ചിലധികം ഭീകരര്‍ പ്രദേശത്ത് ഒളിച്ചിരിക്കുന്നതായാണ് സുരക്ഷാ സേന സംശയിക്കുന്നത്. തുടര്‍ന്ന് പൊലീസിലെ സ്‌പെഷല്‍ ഓപറേഷന്‍സ് ഗ്രൂപ്പ് സി.ആര്‍.പി.എഫിന്റെ സഹായത്തോടെ നടപടി തുടങ്ങുകയായിരുന്നു. ഇതില്‍ ഒരാളെയാണ് ഏറ്റുമുട്ടലില് കൊലപ്പെടുത്തിയത്. വനമേഖലയില്‍ ഒളിച്ചിരിക്കുന്ന മറ്റ് നാല് ഭീകരര്‍ക്കായി തിരച്ചില്‍ ഊര്‍ജ്ജിതമാക്കിയതായി പൊലീസ് വ്യക്തമാക്കി.
കശ്മീരിലെ ഭീകരവാദികളുടെ സാന്നിധ്യം വീണ്ടും ആശങ്ക ഉയര്‍ത്തുന്നു. കത്വ ജില്ലയിലെ ഹീരാനഗറില്‍ നടന്ന ഏറ്റുമുട്ടലില് മൂന്ന് ധീരരായ പോലീസ് ഉദ്യോഗസ്ഥര്‍ വീരമൃത്യു വരിച്ചത് രാജ്യത്തെ ഞെട്ടിച്ചിരിക്കുകയാണ്. ഈ സംഭവം മേഖലയിലെ സുരക്ഷാ സ്ഥിതിഗതികളെക്കുറിച്ചും ഭീകരവാദ ഭീഷണിയെക്കുറിച്ചും ഗൗരവമായ ചോദ്യങ്ങളാണ് ഉയര്‍ത്തുന്നത്. ജമ്മു-പത്താന്‍കോട്ട് ദേശീയപാതയില്‍ ഉള്‍പ്പെടെ പ്രദേശത്ത് കനത്ത ജാഗ്രതാ നിര്‍ദ്ദേശം നല്‍കിയിട്ടുണ്ട്. ഈ സംഭവത്തോടെ ജമ്മു കശ്മീരിലെ സുരക്ഷാ സ്ഥിതിഗതികള്‍ കൂടുതല്‍ സങ്കീര്‍ണ്ണമായിരിക്കുകയാണ്.
ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുമല്ലോ?
In an encounter in Kathua, Jammu and Kashmir, three police officers were martyred and three terrorists were killed. Security forces are continuing their search for other terrorists.
#KathuaEncounter, #JammuKashmir, #TerroristAttack, #PoliceMartyrs, #IndiaSecurity, #Terrorism
Tags
Share this story
