Train | യാത്രക്കാരുടെ ശ്രദ്ധയ്ക്ക്: ട്രെയിൻ പുറപ്പെട്ട് 10 മിനിറ്റിനുള്ളിൽ നിങ്ങളുടെ സീറ്റിൽ എത്തിയില്ലെങ്കിൽ ടിക്കറ്റ് റദ്ദാക്കപ്പെടും!

ടിക്കറ്റ് എപ്പോൾ റദ്ദാക്കും ?

ഇനിമുതൽ യാത്രക്കാരന് യാത്ര ആരംഭിക്കുന്ന സ്റ്റേഷനിൽ നിന്ന് ട്രെയിനിൽ കയറേണ്ടിവരും. ടിടിഇ പരിശോധനയ്ക്കിടെ ഒരു യാത്രക്കാരനെ സീറ്റിൽ കണ്ടെത്തിയില്ലെങ്കിൽ, 10 മിനിറ്റ് യാത്രക്കാരനെ കാത്തിരിക്കും. ഇതിനുശേഷം, അഭാവം റെക്കോർഡിൽ രേഖപ്പെടുത്തും. ഇതോടൊപ്പം, റദ്ദാക്കിയ ആ സീറ്റ് മറ്റൊരു യാത്രക്കാരന് അനുവദിക്കുമെന്ന് റെയിൽവേ ടിക്കറ്റ് ചെക്കിംഗ് സ്റ്റാഫ് ഓർഗനൈസേഷന്റെ ഉദ്യോഗസ്ഥനെ ഉദ്ധരിച്ച് എബിപി ന്യൂസ് റിപ്പോർട്ട് ചെയ്‌തു.

വിശദാംശങ്ങൾ ഓൺലൈനിൽ

ഇത് വരെ ടിടിഇ പേപ്പറിലാണ് യാത്രക്കാരുടെ ഹാജർ രേഖപ്പെടുത്താറുണ്ടായിരുന്നത്. ഈ പ്രക്രിയയിൽ, യാത്രക്കാരൻ വരുന്നതിനായി അടുത്ത സ്റ്റേഷൻ വരെ കാത്തിരിക്കുക പതിവായിരുന്നു. എന്നാൽ ഇപ്പോൾ ഹാൻഡ് ഹോൾഡ് ടെർമിനൽ മെഷീൻ ടിടിഇമാരുടെ പക്കലുണ്ട്. അതിലൂടെ യാത്രക്കാരുടെ ടിക്കറ്റുകൾ പരിശോധിക്കുകയും അവർ എത്തിയോ ഇല്ലയോ എന്നതിന്റെ വിശദാംശങ്ങൾ രേഖപ്പെടുത്തുകയും ചെയ്യുന്നു.

കാലതാമസം ടിക്കറ്റ് റദ്ദാക്കാൻ ഇടയാക്കും

റിപ്പോർട്ട് അനുസരിച്ച്, ഇപ്പോൾ ടിക്കറ്റ് ബുക്ക് ചെയ്ത ശേഷം യാത്രക്കാർ അവരുടെ ബോർഡിംഗ് സ്റ്റേഷനിൽ നിന്ന് തന്നെ ട്രെയിനിൽ കയറി അവരുടെ സീറ്റുകളിൽ എത്തേണ്ടതുണ്ട്. അവർ അങ്ങനെ ചെയ്തില്ലെങ്കിൽ, ടിക്കറ്റുകൾ റദ്ദാക്കി മറ്റ് യാത്രക്കാർക്ക് നൽകാം. ആൾക്കൂട്ടത്തിൽ കുടുങ്ങിയാൽ പലതവണ ടിടിഇ യാത്രക്കാരുടെ സീറ്റിൽ എത്താൻ വൈകിയേക്കാം. അത്തരമൊരു സാഹചര്യത്തിൽ, യാത്രക്കാരന് കുറച്ച് അധിക സമയം ലഭിക്കുമെങ്കിലും അങ്ങനെ ചെയ്യുന്നത് അപകടത്തിൽ നിന്ന് മുക്തമാകില്ല. അതുകൊണ്ട് സീറ്റുള്ളിടത്ത് കൃത്യസമയത്ത് എത്തിച്ചേരുന്നത് നന്നായിരിക്കും.

Keywords: News, National, New Delhi, Indian Railway, Train Ticket, IRCTC, Reservation, IRCTC, Ticket Booking Rules, If you don't reach your seat within 10 minutes after start of train, ticket will be canceled.
< !- START disable copy paste -->