പട്ടിയെ ഓടിക്കുന്നതിനിടയില്‍ യുവാവ് കിണറ്റില്‍ വീണ് മരിച്ചു

മംഗലാപുരം: വീട്ടുമുറ്റത്ത് കാണപ്പെട്ട തെരുവ് പട്ടിയെ ഓടിക്കുന്നതിനിടയില്‍ യുവാവ് അബദ്ധത്തില്‍ കിണറ്റില്‍ വീണ് മരിച്ചു. കുന്താപുരം ഗുജ്ജാഡിക്കടുത്ത നായ്ക്‌വാടിയില്‍ തിങ്കളാഴ്ച രാവിലെയാണ് സംഭവം. പരേതനായ പീറ്റര്‍ കാര്‍വാലോ - ബെസ്റ്റി കാര്‍വാലോ ദമ്പതികളുടെ മകന്‍ പോളോ കാര്‍വാലോ (40) ആണ് മരിച്ചത്. കൂലിപ്പണിക്കാരനാണ് ഇയാള്‍.

തിങ്കളാഴ്ച രാവിലെ ഇയാള്‍ ജോലിക്കായി വീട്ടില്‍ നിന്നിറങ്ങിയതായിരുന്നു. എന്നാല്‍ മറ്റുതൊഴിലാളികള്‍ എത്താത്തതിനാല്‍ ജോലി ഉണ്ടായിരുന്നില്ല. 10.30 മണിയോടെ വീട്ടില്‍ തിരിച്ചെത്തിയപ്പോള്‍ വീട്ടുപരിസരത്ത് അലഞ്ഞുതിരിയുന്ന ഒരുപട്ടിയെ കാണുകയായിരുന്നു. അതിനെ ഓടിക്കുന്നതിനിടെ പട്ടി വീടിന്റെ പിറകുവശത്തേക്ക് ഓടി. പട്ടിയെ പിന്തുടരുന്നതിനിടയില്‍ പിറകുവശത്തെ ആള്‍മറയില്ലാത്ത കിണറ്റില്‍ പോളോ കാല്‍തെറ്റി വീഴുകയായിരുന്നു.

കിണറിന് 30 അടി ആഴമുണ്ട്. വീട്ടുകാരും ആയല്‍ക്കാരും വിവരം അറിയിച്ചതിനെതുടര്‍ന്ന് ഫയര്‍ഫോഴ്‌സെത്തി പോളോയെ പുറത്തെടുക്കുമ്പോഴേക്കും മരണപ്പെട്ടിരുന്നു. അവിവാഹിതനായ ഇയാള്‍ക്ക് നാല് സഹോദരിമാരും രണ്ട് സഹോദരന്മാരുമുണ്ട്. ഗംഗോളി പോലീസ് മൃതദേഹം ഇന്‍ക്വസ്റ്റ് നടത്തി.

Also read:
ഭക്ഷ്യ സുരക്ഷാബില്‍ കോണ്‍ഗ്രസിന്റെ വോട്ട് സുരക്ഷാബില്‍: ബിജെപി

Keywords:  Mangalore, Obituary, Well,National, Dog, Naikwadi, Gujjadi, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.