Accident | ബെംഗളൂരു-കാമാഖ്യ എസി സൂപ്പർഫാസ്റ്റ് എക്സ്പ്രസ് പാളം തെറ്റി; ഒരാൾ മരിച്ചു; 7 പേർക്ക് പരിക്ക്

ഭുവനേശ്വർ: (KasargodVartha) ഒഡീഷയിലെ കട്ടക്ക് ജില്ലയിലെ നെർഗുണ്ടി സ്റ്റേഷന് സമീപം ഞായറാഴ്ച ബെംഗളൂരു-കാമാഖ്യ എസി സൂപ്പർഫാസ്റ്റ് എക്സ്പ്രസ് പാളം തെറ്റി. അപകടത്തിൽ ഒരു യാത്രക്കാരൻ മരിക്കുകയും ഏഴ് പേർക്ക് പരിക്കേൽക്കുകയും ചെയ്തു. ഈസ്റ്റ് കോസ്റ്റ് റയിൽവെ അധികൃതരാണ് ഇക്കാര്യം അറിയിച്ചത്.

രാവിലെ 11.54 നാണ് അപകടം സംഭവിച്ചത്. ബെംഗളൂരുവിൽ നിന്ന് ആസാമിലെ ഗുവാഹത്തിയിലേക്ക് പോവുകയായിരുന്ന ട്രെയിനിന്റെ 11 കോച്ചുകളാണ് പാളം തെറ്റിയത്. അപകടകാരണം ഇനിയും വ്യക്തമായിട്ടില്ല. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു.

സ്ഥലത്ത് രക്ഷാപ്രവർത്തനം പുരോഗമിക്കുകയാണെന്നും പരിക്കേറ്റവർക്ക് ആവശ്യമായ ചികിത്സ ലഭ്യമാക്കുന്നുണ്ടെന്നും അധികൃതർ അറിയിച്ചു. യാത്രക്കാർക്ക് സഹായം എത്തിക്കുന്നതിനായി ഒരു പ്രത്യേക ട്രെയിൻ സജ്ജീകരിച്ചിട്ടുണ്ട്.

അപകടത്തെത്തുടർന്ന് ഈ റൂട്ടിൽ സർവീസ് നടത്തുന്ന ധാരുളി എക്സ്പ്രസ്, നീലാചൽ എക്സ്പ്രസ്, പുരുളിയ എക്സ്പ്രസ് എന്നീ ട്രെയിനുകൾ വഴിതിരിച്ചുവിട്ടു. ഗതാഗതം പുനഃസ്ഥാപിക്കാനുള്ള ശ്രമങ്ങൾ നടക്കുകയാണെന്നും അധികൃതർ അറിയിച്ചു.

ഈ വാർത്ത പങ്കുവെക്കുക, നിങ്ങളുടെ അഭിപ്രായങ്ങൾ രേഖപ്പെടുത്തുക.

A tragic train derailment near Nergundi station in Cuttack district, Odisha, has resulted in the death of one passenger and injuries to seven others. The Bengaluru-Kamakhya AC Superfast Express, with 11 coaches, derailed at 11:54 AM.

#TrainAccident, #Odisha, #TrainDerailment, #India, #RailwayAccident, #BreakingNews