100 വര്‍ഷങ്ങള്‍ക്ക് മുമ്പ് കാണാതായ വിഗ്രഹം മുന്‍ പൂജാരിയുടെ വീടിനുള്ളില്‍ നിന്നും കണ്ടെത്തി

ചെന്നൈ:(www.kasargodvartha.com 29/04/2019) തമിഴ്നാട് മധുരയിലെ മെലൂരിലുള്ള ക്ഷേത്രത്തില്‍ നിന്നും 1915ല്‍ കാണാതായ ദ്രൗപതി അമ്മന്റെ വിഗ്രഹം കണ്ടെത്തി. നൂറ് വര്‍ഷങ്ങള്‍ക്ക് മുമ്പ് ക്ഷേത്രത്തില്‍ നിന്നും കാണാതായ വിഗ്രഹം മുന്‍ പൂജാരിയുടെ വീടിന്റെ ഭിത്തിയില്‍ നിന്നാണ് കണ്ടെത്തിയത്.

പൂജാരിമാരില്‍ ഒരാളായിരുന്ന കറുപ്പസ്വാമിയുടെ പഴയ വീട്ടില്‍ നിന്നുമാണ് വിഗ്രഹം കണ്ടെത്തിയത്. കാണാതായ വിഗ്രഹം തന്റെ കുടുംബ വീട്ടിലുണ്ടെന്ന് കറുപ്പസ്വാമിയുടെ ചെറുമകന്‍, മുരുഗേശനാണ് അധികൃതരെ അറിയിച്ചത്. തുടര്‍ന്ന് പോലീസെത്തി ചുമര് തുരന്ന് വിഗ്രഹം പുറത്തെടുത്തു. താന്‍ കുട്ടി ആയിരുന്നപ്പോള്‍ തന്റെ പിതാവും മുത്തച്ഛനും ചേര്‍ന്ന് ചുമരിനെ പൂജിക്കുന്നത് കണ്ടിരുന്നുവെന്നും മുരുഗേശന്‍ വെളിപ്പെടുത്തി.