വൃദ്ധയെ കൊന്ന് സ്വര്‍ണാഭരണങ്ങള്‍ കവര്‍ന്നു

മംഗലാപുരം: തനിച്ചു താമസിക്കുന്ന വൃദ്ധയെ കൊലപ്പെടുത്തി വീട്ടില്‍ നിന്നു സ്വര്‍ണാഭരണങ്ങള്‍ കവര്‍ന്നു. കുളായ് കൃഷ്ണപൂരിലെ സുമതി പ്രഭു(62) ആണ് കൊല്ലപ്പെട്ടത്. ശനിയാഴ്ച രാത്രിയാണ് സംഭവം. പിറ്റേന്നു രാവിലെയാണ് കൊലപാതകം നാടറിഞ്ഞത്. നഷ്ടപ്പെട്ട ആഭരണങ്ങള്‍ എത്രയാണെന്നു കണക്കാക്കിയിട്ടില്ല.

മൂന്നു വര്‍ഷം മുമ്പ് ഭര്‍ത്താവ് മരിച്ച സുമതി പ്രഭു വീട്ടില്‍ തനിച്ചാണു താമസം. രണ്ടു മക്കളുണ്ടെങ്കിലും അവര്‍ പുറത്തായിരുന്നു. തലേന്ന് ഒരു ബൈക്കില്‍ രണ്ടു പേര്‍ സംശയ സാഹചര്യത്തില്‍ ഇവരുടെ വീട്ടു പരിസരത്ത് കറങ്ങുന്നത് കണ്ടിരുന്നതായി പറയുന്നു.
മംഗലാപുരം സിറ്റി പോലീസ് കമ്മീഷണര്‍ ഹിതേന്ദ്ര, എ. സി. പി. രവികുമാര്‍, സുറത്ത്ക്കല്‍ എസ്. ഐ. നടരാജ് എന്നിവര്‍ സ്ഥലത്തെത്തി അന്വേഷണം നടത്തി.