ഡൽഹി-ബംഗളൂറു വിമാനത്തിൽ യുവതി ആൺകുഞ്ഞിന് ജന്മം നൽകി

By Web Desk AhnOct 8, 2020, 13:45 IST

മംഗളൂറു: (www.kasargodvartha.com 07.10.2020) ഡൽഹി-ബംഗളൂറു ഇന്റിഗോ വിമാന യാത്രക്കാരിയായ യുവതി ആൺകുഞ്ഞിന് ജന്മം നൽകി. അമ്മയും മകനും സുഖം. ആറ് ഇ 122 വിമാനം ബുധനാഴ്ച വൈകുന്നേരം ഡൽഹിയിൽ നിന്ന് പറന്നുയർന്നതിനെത്തുടർന്ന് യുവതിക്ക് പേറ്റുനോവനുഭവപ്പെടുകയായിരുന്നു. വിമാനത്തിലുണ്ടായിരുന്ന വനിത ഡോക്ടറുടെ സഹകരണത്തോടെ ലേബർ റൂം ഒരുങ്ങി. ഉൽക്കണ്ഠയുടെ നിമിഷങ്ങൾ കടന്നുപോവുന്നതിനിടെ വൈകുന്നേരം 6:10ന് ചോരക്കുഞ്ഞിന്റെ കരച്ചിൽ.

ഡൽഹി-ബംഗളൂറു വിമാനത്തിൽ യുവതി ആൺകുഞ്ഞിന് ജന്മം നൽകി

ആ കുരുന്ന് ബംഗളൂറുകാരായ വിമാന ജീവനക്കാരുടെ അരുമയായി. ബുധനാഴ്ച വൈകുന്നേരം 7.40ന് വിമാനം ബംഗളൂറുവിൽ ഇറങ്ങി. വിമാനത്തിലെ സജ്ജീകരണങ്ങൾക്ക് ശാരദ ചൗഹാൻ, അനുപ്രിയ, തൃപ്തി, അങ്കിത എന്നിവർ നേതൃത്വം നൽകി.