Accident | ബസുമായി കൂട്ടിയിടിച്ച് കാറിന് തീപ്പിടിച്ചു; 2 പേർ വെന്തുമരിച്ചു

മംഗ്ളുറു: (KasargodVartha) ചിക്കബെല്ലാപുര ജില്ലയിലെ ചിന്താമണി താലൂക്കിൽ ഗോപള്ളി ഗേറ്റിന് സമീപം വാഹനാപകടത്തിൽ രണ്ട് പേർ ദാരുണമായി വെന്തുമരിച്ചു. സ്വകാര്യ ബസ്സും കാറും കൂട്ടിയിടിച്ചതിനെ തുടർന്ന് കാറിന് തീപിടിച്ചാണ് അപകടമുണ്ടായത്. ആന്ധ്രാപ്രദേശ് സ്വദേശികളായ ധനഞ്ജയറെഡ്ഡി (31), കലാവതി (35) എന്നിവരാണ് മരിച്ചത്.

അപകടത്തിൽപ്പെട്ട കാറിലുണ്ടായിരുന്ന മറ്റ് മൂന്ന് പേർ നിസ്സാര പരിക്കുകളോടെ അത്ഭുതകരമായി രക്ഷപ്പെട്ടു. ബസ്സിലെ യാത്രക്കാരെയും പരിക്കുകളില്ലാതെ രക്ഷപ്പെടുത്തി. അപകടത്തെ തുടർന്ന് ബസ് തലകീഴായി മറിഞ്ഞു.

ചിന്താമണി റൂറൽ, കെഞ്ചർലഹള്ളി പൊലീസ് സ്റ്റേഷനുകളിൽ നിന്നുള്ള ഉദ്യോഗസ്ഥർ സ്ഥലത്തെത്തി  അന്വേഷണം ആരംഭിച്ചിട്ടുണ്ട്. 

Two people died in a car fire following a collision with a bus in Chintamani, Karnataka. The car was completely destroyed in the accident, while the bus overturned.

#Accident, #Fire, #Karnataka, #Chintamani, #RoadAccident, #Tragedy