Traffic block | ഭൂമി ഏറ്റെടുക്കൽ പ്രശ്‌നം; മൈസൂറു-ബെംഗ്ളുറു അതിവേഗ പാതയിൽ വീതി കൂട്ടൽ നടന്നില്ല; കെങ്കേരിയിൽ കുപ്പിക്കഴുത്തിൽ കുടുങ്ങി വാഹനങ്ങൾ

മംഗ്ളുറു: (www.kasargodvartha.com) കർണാടക നിയമസഭ തെരഞ്ഞെടുപ്പിന് മുന്നോടിയായി പ്രധാനമന്ത്രി നരേന്ദ്ര മോദി ഞായറാഴ്ച ഉദ്ഘാടനം ചെയ്ത മൈസൂറു-ബെംഗ്ളുറു അതിവേഗ പാതയിൽ ഗതാഗത കുരുക്ക്. പണി തീരാതെയാണ് ഉദ്ഘാടനം നടന്നതെന്ന് കോൺഗ്രസ് അടക്കം ആരോപിച്ചിരുന്നു. കുതിക്കുന്ന വാഹനങ്ങൾ കെങ്കേരിയിൽ രാജരാജേശ്വരി മെഡികൽ കോളജ് പരിസരത്ത് പാതയിലെ കുപ്പിക്കഴുത്തിൽ കുടുങ്ങുകയാണ്. ഭൂമി ഏറ്റെടുക്കൽ നടപടി പൂർത്തിയാവാത്തതിനാൽ ഈ ഭാഗത്ത് പാത വീതി കൂട്ടൽ നടക്കാത്തതാണ് പ്രശ്നം.

അതിവേഗത്തിൽ വന്ന സമയമത്രയും നാഷനൽ ഇൻഫ്രാസ്ട്രക്ചർ കോറിഡോർ എന്റർപ്രൈസസ് (നൈസ്) കവലയിൽ നഷ്ടമാവുകയാണെന്ന് പാത ഉപയോഗിച്ച വാഹനം ഉടമകൾ പറയുന്നു. സ്ഥലമെടുപ്പ് ചിലവുകൾ കർണാടക സർകാർ വഹിക്കുകയോ ഇടപെടുകയോ ചെയ്യാത്തതാണ് പാത നവീകരണത്തിന് തടസമെന്ന് ദേശീയ പാത അതോറിറ്റി അധികൃതർ പറഞ്ഞു.