Arrested | 'കാറുകള്‍ തമ്മില്‍ ഉരസിയതിന് വ്യവസായിയെ കുത്തിക്കൊന്നു'; 2 പേര്‍ അറസ്റ്റില്‍

മംഗളൂറു: (KasargodVartha) കുന്താപുരത്തെ വ്യവസായി രാഘവേന്ദ്ര ഷെരിഗാര്‍ എന്ന ബണ്‍സ് രഘു (42) കുത്തേറ്റ് മരിച്ച കേസില്‍ രണ്ടുപേരെ പൊലീസ് അറസ്റ്റ് ചെയ്തു. കെ ശഫീഉല്ല(40), എം ഇമ്രാന്‍ (43) എന്നിവരാണ് അറസ്റ്റിലായത്. ഇരുവരേയും കുന്താപുരം അഡി. സിവില്‍-മജിസ്‌റ്റ്രേറ്റ് കോടതി (രണ്ട്) വെള്ളിയാഴ്ച (07.10.2023) മൂന്ന് ദിവസം പൊലീസ് കസ്റ്റഡിയില്‍ റിമാന്‍ഡ് ചെയ്തു.

പൊലീസ് പറഞ്ഞു: ഞായറാഴ്ച വൈകുന്നേരം 7.30 മണിയോടെ കുന്താപുരം ഡെല്‍ഹി ബസാറിലെ ചിക്കണ്‍സ്റ്റാള്‍ റോഡിലാണ് രഘു അക്രമത്തിന് ഇരയായത്. അറസ്റ്റിലായവര്‍ സഞ്ചരിച്ച കാറും രഘുവിന്റെ കാറും തമ്മില്‍ ചെറുതായി ഉരസിയിരുന്നു. ഈ പ്രശ്‌നം നാട്ടുകാര്‍ ഇടപെട്ട് രമ്യമായി പരിഹരിച്ചതിന് പിന്നാലെ അക്രമികളില്‍ ഒരാള്‍ കത്തിയെടുത്ത് കുത്തുകയായിരുന്നു. ഗുരുതര നിലയില്‍ മണിപ്പാല്‍ ആശുപത്രിയില്‍ പ്രവേശിപ്പിച്ച രഘു തിങ്കളാഴ്ച മരിച്ചു.

രഘു

കേസ് അന്വേഷണത്തിന് ഉഡുപ്പി ജില്ല പൊലീസ് സൂപ്രണ്ട് ഡോ. കെ അരുണ്‍ മൂന്ന് പ്രത്യേക സംഘങ്ങളെ നിയോഗിച്ചിരുന്നു. ഈ സംഘങ്ങള്‍ സിസിടിവി ദൃശ്യങ്ങള്‍ പിന്തുടര്‍ന്നും ദൃക്‌സാക്ഷി മൊഴികള്‍ അവലംബിച്ചും നടത്തിയ അന്വേഷണത്തിലാണ് അക്രമികള്‍ പിടിയിലായത്.

Keywords: Accused, Arrested, Murder Case, Businessman, Mangalore,Top-Headlines, Remanded, News, National, 2 accused arrested in murder case of businessman.