Arrested | മോഷ്ടിച്ച സ്‌കൂടറില്‍ കറക്കം; മൂവര്‍ സംഘം പൊലീസിന് മുന്നില്‍ കുടുങ്ങി

ബദിയഡുക്ക: (www.kasargodvartha.com) മോഷ്ടിച്ച സ്‌കൂടറില്‍ കറങ്ങിയ മൂന്ന് പേരെ പിടികൂടിയതായി പൊലീസ് അറിയിച്ചു. ബദിയഡുക്ക പൊലീസ് സ്റ്റേഷന്‍ പരിധിയിലെ എം നിഹാല്‍ (18), മുഹമ്മദ് സഹീര്‍ (18), മുഹമ്മദ് റഫീഖ് (27) എന്നിവരാണ് അറസ്റ്റിലായത്. ഇവരെ കോടതിയില്‍ ഹാജരാക്കി റിമാന്‍ഡ് ചെയ്തു. വിദ്യാനഗര്‍ ഇന്‍സ്‌പെക്ടര്‍ പി പ്രമോദിന്റെ നേതൃത്വത്തില്‍ ചെങ്കള എതിര്‍ത്തോടില്‍ പൊലീസ് വാഹന പരിശോധന നടത്തുന്നതിനിടെയാണ് ഇവര്‍ പിടിയിലായത്.
        
'കൊല്ലം സ്വദേശിയും ഇന്ദിരാനഗറില്‍ താമസക്കാരനും മരപ്പണിക്കാരനുമായ രജികുമാര്‍ എന്നയാളുടെ സ്‌കൂടറിലായിരുന്നു യുവാക്കളുടെ കറക്കം. ഇക്കഴിഞ്ഞ ഏപ്രില്‍ 14നാണ് രജികുമാറിന്റെ സ്‌കൂടര്‍ മോഷണം പോയത്. നിഹാലും മുഹമ്മദ് സഹീറും ബദിയഡുക്ക സ്റ്റേഷനിലെ ബൈക് മോഷണ കേസില്‍ പ്രതികളാണ്. നിഹാലിന്റെ പേരില്‍ കഞ്ചാവ് കേസുമുണ്ട്. കര്‍ണാടകയിലെ സുള്ള്യ, മടിക്കേരി പൊലീസ് സ്റ്റേഷനുകളിലും ഇവര്‍ക്കെതിരെ വാഹന മോഷണ കേസുകളുണ്ട്', പൊലീസ് പറഞ്ഞു.

എസ്‌ഐമാരായ വിജയന്‍ മേലത്ത്, സി ബാബു, എഎസ്‌ഐ പ്രസാദ്, സിവില്‍ പൊലീസ് ഓഫീസര്‍മാരായ സിയാദ്, ഹരിലാല്‍ എന്നിവരും യുവാക്കളെ പിടികൂടിയ പൊലീസ് സംഘത്തിലുണ്ടായിരുന്നു. < !- START disable copy paste -->