Accident | കെഎസ്ആര്‍ടിസി ബസും ബൈകും കൂട്ടിയിടിച്ച് യുവാവിന് ഗുരുതരം

പുങ്ങംചാല്‍: (www.kasargodvartha.com) കെഎസ്ആര്‍ടിസി ബസും ബൈകും കൂട്ടിയിടിച്ച് ബൈക് യാത്രക്കാരനായ യുവാവിന് ഗുരുതരമായി പരിക്കേറ്റു. നാട്ടക്കല്ലിലെ ദിലീപിന്റെ മകന്‍ സെല്‍വകുമാറിനാണ് (22) പരുക്കേറ്റത്. വരക്കാട് പറമ്പ റോഡില്‍ ചീര്‍ക്കയത്ത് തിങ്കളാഴ്ച വൈകീട്ട് ആറുമണിയോടെയാണ് അപകടം.
     
കൊന്നക്കാട് നിന്നും എളേരി തട്ട് വഴി കാഞ്ഞങ്ങാട്ടേക്ക് പോവുകയായിരുന്ന കെഎസ്ആര്‍ടിസി ബസും എതിരെ വന്ന ബൈകും കൂട്ടി ഇടിക്കുകയായിരുന്നു. റോഡില്‍ നിയന്ത്രണം വിട്ട് മറിഞ്ഞ ശേഷം ബൈക് ബസിനടിയില്‍ പെടുകയായിരുന്നു. ഓടിക്കൂടിയവര്‍ ചേര്‍ന്നാണ് ബസിനടിയില്‍ പെട്ട സെല്‍വകുമാറിനെ പുറത്തെടുത്ത് ആശുപത്രിയില്‍ കൊണ്ടുപോയത്.