തട്ടിയെടുത്തത് 65 ലക്ഷമല്ല അതുക്കും മേലെ! നഷ്ടപ്പെട്ടത് മൂന്നരകോടിയോ? സ്വര്‍ണ വ്യാപാരിയെ കാര്‍ തടഞ്ഞ് കൊള്ളയടിച്ച പണത്തില്‍ 12.80 ലക്ഷം വീണ്ടെടുത്തു; പണം കിട്ടിയത് പ്രതിയുടെ തൃശൂരിലെ വീട്ടില്‍ നിന്നും

അതിനിടെ പൊലീസ് കസ്റ്റഡിയില്‍ ലഭിച്ച പ്രതികളുമായി തൃശൂരില്‍ നടത്തിയ പരിശോധനയില്‍ 12.80 ലക്ഷം രുപ കൂടി വീണ്ടെടുത്തു. കേസിലെ പ്രതിയായ തൃശൂരിലെ ബിനോയ് സി ബേബി (25)യുടെ വീട്ടില്‍ നിന്നാണ് പണം കണ്ടെത്തിയത്. കേസന്വേഷിക്കുന്ന കാസര്‍കോട് സി ഐ അജിത്ത് കുമാറും സംഘവും നടത്തിയ തെളിവെടുപ്പിലാണ് പണം കണ്ടെത്തിയത്. നേരത്തേ തൃശൂരിലെ പൂച്ചെട്ടിയിലെ എഡ് വിന്റെ ഫ്‌ളാറ്റ് റെയ്ഡ് ചെയ്ത് 7.50 ലക്ഷം രൂപയും പൊലീസ് കണ്ടെടുത്തിരുന്നു. ടവേര, ഇന്നോവ, സാന്‍ട്രോ കാറുകളും പൊലീസ് കസ്റ്റഡിയിലെടുത്തിട്ടുണ്ട്. കേസില്‍ മൊത്തം 12 പ്രതികളാണുള്ളതെന്നും ഇതില്‍ ഒന്‍പത് പേര്‍ നേരിട്ട് കുറ്റക്യത്യങ്ങളില്‍ പങ്കെടുത്തവരാണെന്നും മറ്റുള്ളവര്‍ പ്രതികള്‍ക്ക് സഹായം ചെയ്തവരാണെന്നും പൊലീസ് പറഞ്ഞു.

മറ്റു പ്രതികള്‍ കര്‍ണാടകയിലേക്കും മറ്റു സംസ്ഥനങ്ങളിലേക്കും കടന്നതായണ് പൊലീസ് അന്വേഷണത്തില്‍ വ്യക്തമായത്. ഇവര്‍ക്കായി വല വിരിച്ചിട്ടുണ്ട്. തൃശൂര്‍, കോഴിക്കോട്, വയനാട് ജില്ലകളിലെ ത്രിമൂര്‍ത്തികളാണ് കവര്‍ച്ചയ്ക്ക് പിന്നിലെ സൂത്രധാരന്മാരെന്നും പൊലീസ് സംശയിക്കുന്നു.

വയനാട്ടെ അഖില്‍ (24), അനു ഷാജു (28), തൃശൂരിലെ ബിനോയ് സി ബേബി (25) എന്നിവരാണ് നേരത്തെ അറസ്റ്റിലായത്. ഇവരെ തെളിവെടുപ്പിനു ശേഷം കോടതിയില്‍ ഹാജരാക്കും.