വിദ്യാര്‍ത്ഥിനിയുടെ ആത്മഹത്യ; അധ്യാപകനെതിരെ പോലീസ് അന്വേഷണം

കാഞ്ഞങ്ങാട്: 10 ാംതരം വിദ്യാര്‍ത്ഥിനിയെ വീട്ടിലെ കിടപ്പുമുറിയില്‍ തൂങ്ങിമരിച്ച സംഭവത്തില്‍ അധ്യാപകനെതിരെ പോലീസ് അന്വേഷണം ആരംഭിച്ചു. വരക്കാട് ഹയര്‍സെക്കന്‍ഡറി സ്‌കൂളിലെ വിദ്യാര്‍ത്ഥിനിയും ഭീമനടി കുറുഞ്ചേരി സ്വദേശിനിയുമായ വിധുല എം.നായര്‍(15)മരിച്ച സംഭവത്തിലാണ് അധ്യാപകനെതിരെ ചിറ്റാരിക്കല്‍ പോലീസ് അന്വേഷണം നടത്തുന്നത്. നവംബര്‍ 13 ന് രാവിലെയാണ് വിധുലയെ മുറിയില്‍ ഷാളില്‍ തൂങ്ങിമരിച്ച നിലയില്‍ കാണപ്പെട്ടത്.

വിധുല എഴുതിയ ആത്മഹത്യാക്കുറിപ്പും മുറിയില്‍ നിന്നും കണ്ടെത്തിയിരുന്നു. സ്‌കൂളിലെ സ്റ്റാഫ് മുറിയില്‍ വെച്ച് ഒരു അധ്യാപകന്‍ മറ്റുള്ളവരുടെ മുന്നില്‍ വെച്ച് തന്നോട് മോശമായി പെരുമാറിയിരുന്നതായി കത്തില്‍ ആരോപിച്ചിരുന്നു. എസ്.എസ്.എല്‍.സി ബുക്ക് പൂരിപ്പിക്കുന്നതുമായി ബന്ധപ്പെട്ട് രണ്ട് സര്‍ട്ടിഫിക്കറ്റുകള്‍ വിധുല നല്‍കാനുണ്ടായിരുന്നു. ഇതിനെച്ചൊല്ലിയാണ് തന്നെ സ്റ്റാഫ് റൂമിലേക്ക് വിളിച്ചുവരുത്തി സംസാരിച്ചതെന്നും വിധുലയുടെ കത്തില്‍ സൂചനയുണ്ട്.

അതേസമയം അപമാനിക്കുന്ന തരത്തിലാണ് അധ്യാപകന്‍ പെരുമാറിയതെന്നും കത്തില്‍ പരാമര്‍ശിക്കുന്നു. കുറുഞ്ചേരിയിലെ മുരളീധരന്‍ നായരുടെയും നിര്‍മ്മലയുടെയും മകളാണ് വിധുല. മരണത്തില്‍ ബന്ധുക്കള്‍ നല്‍കിയ പരാതിയെ തുടര്‍ന്നാണ് പോലീസ് അധ്യാപകനെതിരെ
അന്വേഷണം നടത്തുന്നത്.
ബംഗളൂരില്‍ എ.ടി.എമ്മിനുള്ളില്‍ മലയാളി ബാങ്ക് ഉദ്യോഗസ്ഥയെ ഗുരുതരമായി വെട്ടിപ്പരിക്കേല്‍പിച്ചു