ഗള്‍ഫിലേക്ക് പോകാനുള്ള ഒരുക്കത്തിനിടെ ഗൃഹനാഥനെ കാണാതായതായി പരാതി

By Web Desk - MainMay 3, 2018, 12:02 IST

കാസര്‍കോട്: (www.kasargodvartha.com 03.05.2018) ഗള്‍ഫിലേക്ക് പോകാനുള്ള ഒരുക്കത്തിനിടെ ഗൃഹനാഥനെ കാണാതായതായി പരാതി. ചൂരിയിലെ പട്ടാണി അബ്ദുല്ലയുടെ മകന്‍ സി.എ ഇസ്മാഈലിനെ (52)യാണ് കാണാതായത്. മെയ് ഒന്നിന് ബദിയടുക്കയിലെ സുഹൃത്തിനെ കാണാനെന്ന് പറഞ്ഞ് വീട്ടില്‍ നിന്നിറങ്ങിയതായിരുന്നു. പിന്നീട് തിരിച്ചെത്തിയില്ലെന്ന് ബന്ധു ഷിഹാബ് പോലീസില്‍ നല്‍കിയ പരാതിയില്‍ പറയുന്നു.

ദുബൈയില്‍ ഗവ. മദ്രസയിലെ ജീവനക്കാരനാണ് ഇസ്മാഈല്‍. അഞ്ചു മാസം മുമ്പാണ് നാട്ടിലെത്തിയത്. ലീവ് കഴിഞ്ഞ് ഗള്‍ഫിലേക്ക് പോകാനിരിക്കുകയായിരുന്നു. സംഭവത്തില്‍ കാസര്‍കോട് ടൗണ്‍ പോലീസ് കേസെടുത്ത് അന്വേഷണം ആരംഭിച്ചു.