കാറിന്റെ നിറം സ്റ്റിക്കറൊട്ടിച്ച് മാറ്റിയ യുവാവ് വീണ്ടും കുടുങ്ങി

കാസര്‍കോട്: വെളുത്ത കാറില്‍ ഓറഞ്ച് നിറത്തിലുള്ള സ്റ്റിക്കര്‍ ഒട്ടിച്ച് നിറം മാറ്റിയ യുവാവിനെ പോലീസ് അറസ്റ്റ് ചെയ്തു. ചെങ്കള സന്തോഷ് നഗറിലെ ശഫീഖിനെയാണ് എസ്.ഐ ടി. ഉത്തംദാസ് അറസ്റ്റു ചെയ്തത്. കെ.ല്‍. 14 എന്‍ 2242 നമ്പര്‍ മാരുതി 800 കാറാണ് സ്റ്റിക്കറൊട്ടിച്ച് നിറംമാറ്റിയത്.
കഴിഞ്ഞ ദിവസവും സമാനമായ കേസില്‍ ഇതേ കാറിനെ പിടികൂടി പിഴ ഈടാക്കി വിട്ടയച്ചിരുന്നു. ഇത്തരം പ്രവര്‍ത്തികള്‍ ചെയ്യുന്നത് മോട്ടോര്‍ നിയമത്തിന്റെ ലംഘനമാണെന്നും കുറ്റക്കാര്‍ക്കെതിരെ കര്‍ശന നടപടിയെടുക്കുമെന്നും ജില്ലാ പോലീസ് ചീഫ് വ്യക്തമാക്കി.

വാഹനത്തിന്റെ നിറം മാറ്റുകയും നമ്പര്‍ പ്ലേറ്റില്‍ കൃത്രിമം കാണിക്കുകയും ചെയ്താല്‍ 2,000 രൂപ മുതല്‍ 5,000 രൂപവരെ പിഴ ഈടാക്കുമെന്ന് പോലീസ് പറഞ്ഞു. ഇത്തരം വാഹനങ്ങളെ കണ്ടെത്തി പിടികൂടാന്‍ പോലീസിനെ മഫ്ടിയില്‍ വിന്യസിച്ചിട്ടുണ്ട്.

Also read:
പ്രതികള്‍ക്ക് ശിക്ഷ നല്‍കേണ്ടത് പ്രായത്തിനനുസരിച്ചല്ല, കുറ്റകൃത്യമനുസരിച്ച്