മിന്നലില്‍ വീട്ടുപകരണങ്ങള്‍ കത്തിനശിച്ചു

By Web Desk SNJul 16, 2017, 12:02 IST

തൃക്കരിപ്പൂര്‍: (www.kasargodvartha.com 16.07.2017) കഴിഞ്ഞ ദിവസമുണ്ടായ മിന്നലില്‍ വീട്ടുപകരണങ്ങള്‍ കത്തിനശിച്ചു. ഉദിനൂര്‍ സൗത്ത് ഇസ്ലാമിയ എ എല്‍ പി സ്‌കൂളിനു സമീപത്തെ അഞ്ചില്ലത്ത് സുബൈദയുടെ വീട്ടിലെ ഉപകരണങ്ങളാണ് മിന്നലില്‍ കത്തിനശിച്ചത്.

ഫ്രിഡ്ജ്, അരവു യന്ത്രം, അടുക്കളയിലെ വിവിധ തരം പാത്രങ്ങള്‍, വീട്ടുപകരണങ്ങള്‍ തുടങ്ങിയവ പൂര്‍ണമായും കത്തിനശിച്ചു. അടുക്കളിലുണ്ടായിരുന്ന ഗ്യാസ് സിലിണ്ടറിലേക്ക് തീ പടരാതിരുന്നതിനാല്‍ വന്‍ അപകടം ഒഴിവായി. ഈ സമയം സുബൈദയും മകള്‍ ഫാത്വിമത്ത് സഹലയും തൊട്ടടുത്ത മുറിയിലായിരുന്നു. ഇവര്‍ പരിക്കേല്‍ക്കാതെ രക്ഷപ്പെട്ടു.