ജാര്‍ഖണ്ഡ് യുവാവ് തോടിന് സമീപം മരിച്ച നിലയില്‍; നാട്ടിലേക്ക് കൊണ്ടുപോകാന്‍ പണമില്ലാത്തതിനാല്‍ പൊലീസില്‍ അറിയിക്കാതെ കുഴിച്ചുമൂടി; മരണത്തില്‍ ദുരൂഹത ഉയര്‍ന്നതോടെ പുറത്തെടുത്ത് പോസ്റ്റ്‌മോര്‍ടം നടത്താന്‍ ആര്‍ഡിഒ ഉത്തരവ്

  


ഇക്കഴിഞ്ഞ ഡിസമ്പര്‍ 23നാണ് ജാര്‍ഖണ്ഡ് സ്വദേശിയായ ശിവജിനെ(35) കന്യാന മുണ്ടോളിയിലെ പാടത്തിന് സമീപത്തെ തോട്ടിനരികില്‍ മരിച്ച നിലയില്‍ കണ്ടെത്തിയത്. മുണ്ടോളിയിലെ വിശ്വനാഥഭട്ടിന്റെ വീട്ടില്‍ ജോലിക്കെത്തിയതായിരുന്നു.

നാട്ടിലേക്ക് മൃതദേഹം കൊണ്ടുപോകാന്‍ ശ്രമം നടത്തിയിരുന്നുവെങ്കിലും സാമ്പത്തിക പ്രയാസം മൂലം മൃതദേഹം അവിടെ തന്നെ കുഴിച്ചുമൂടുകയായിരുന്നു എന്ന് പൊലീസ് പറഞ്ഞു. വൈദ്യുതാഘാതമേറ്റാണ് മരണമെന്ന കിംവദന്തി പരന്നതോടെ പൊലീസിലും പരാതി എത്തി. പൊലീസ് റിപോര്‍ടിന്റെ അടിസ്ഥാനത്തില്‍ മൃതദേഹം പുറത്തെടുത്ത് പോസ്റ്റ്‌മോര്‍ടെം നടത്താന്‍ ആര്‍ഡിഒ ഉത്തരവിറക്കയതോടെ സംഭവം വിവാദമായിരിക്കുകയാണ്.

അടുത്ത ദിവസം മൃതദേഹം പുറത്തെടുത്ത് പോസ്റ്റ്‌മോര്‍ടം നടത്തുമെന്നാണറിയുന്നത്. മരണത്തിലെ ദുരൂഹത നീക്കാനുള്ള ശ്രമത്തിലാണ് പൊലീസ്. മുങ്ങി മരണമെന്നാണ് പൊലീസിന്റെ പ്രാഥമിക സംശയം.

Keywords:  Kasaragod, Kerala, News, Top-Headlines, Youth, Postmortem, Police, Investigation, Dead, Dead body, Death, Jharkhand youth found dead near river. < !- START disable copy paste -->