ആരാധനാലയത്തിന് മുന്നില്‍ സ്ഥാപിച്ച കൊടിതോരണങ്ങളും ഫ്‌ളക്‌സുകളും ഇരുട്ടിന്റെ മറവില്‍ നശിപ്പിച്ചു; പ്രതികള്‍ സിസിടിവിയില്‍ കുടുങ്ങി, 4 പേര്‍ക്കെതിരെ കേസ്

By Web Desk - MainMar 17, 2018, 13:44 IST

കാസര്‍കോട്: (www.kasargodvartha.com 17.03.2018) ആരാധനാലയത്തിന് മുന്നില്‍ സ്ഥാപിച്ച കൊടിതോരണങ്ങളും ഫ്‌ളക്‌സുകളും ഇരുട്ടിന്റെ മറവില്‍ നശിപ്പിച്ചു. പ്രതികള്‍ സിസിടിവിയില്‍ കുടുങ്ങി. ചൂരി മീപ്പുഗിരിയിലെ ആരാധനലയത്തിന് മുന്‍വശം സ്ഥാപിച്ചിരുന്ന കൊടിതോരണങ്ങളും ഫ്‌ളക്‌സുകളുമാണ് വെള്ളിയാഴ്ച പുലര്‍ച്ചെ 1.40 മണിയോടെ നശിപ്പിക്കപ്പെട്ടത്.

സംഭവം സംബന്ധിച്ച് പരാതി ലഭിച്ച കാസര്‍കോട് ടൗണ്‍ പോലീസ് നാലു പേര്‍ക്കെതിരെ കേസെടുത്തു. പ്രതികളെ കണ്ടെത്താന്‍ സിസിടിവി കേന്ദ്രീകരിച്ച് അന്വേഷണം നടത്തി വരികയാണെന്ന് പോലീസ് പറഞ്ഞു.