നീറ്റ് പരീക്ഷയില്‍ റാങ്ക് നേടിയ ഹൃദ്യാലക്ഷ്മിക്ക് അനുമോദന പ്രവാഹം

കാസര്‍കോട്: (www.kasargodvartha.com 09.06.2019) ദേശീയ തലത്തില്‍ നടന്ന നീറ്റ് പരീക്ഷയില്‍ (നാഷണല്‍ എലിജിബിലിറ്റി ആന്‍ഡ് എന്‍ട്രന്‍സ് ടെസ്റ്റ്) മുപ്പത്തി ഒന്നാം റാങ്കും സംസ്ഥാന തലത്തില്‍ രണ്ടാം റാങ്കും നേടിയ മധൂര്‍ വിവേകാനന്ദ നഗറിലെ ഹൃദ്യാലക്ഷ്മിയെ എന്‍ എ നെല്ലിക്കുന്ന് എം എല്‍ എ ഉപഹാരം നല്‍കി അനുമോദിച്ചു. ഹൃദ്യാലക്ഷിമിയുടെ നേട്ടം കാസര്‍കോട് ജില്ലക്ക് തന്നെ അഭിമാനമാണെന്നും വിദ്യാഭ്യാസപരമായി മുന്നേറികൊണ്ടിരിക്കുന്ന കാസര്‍കോട്ടെ വിദ്യാര്‍ത്ഥികള്‍ക്ക് പ്രചോതനമാണെന്നും എം എല്‍ എ പറഞ്ഞു.


ഡി സി സി ജനറല്‍ സെക്രട്ടറി അഡ്വ. എ ഗോവിന്തന്‍ നായര്‍, യൂത്ത് ലീഗ് ജില്ലാ പ്രസിഡന്റ് അഷ്‌റഫ് എടനീര്‍, മണ്ഡലം പ്രസിഡന്റ് സഹീര്‍ അസിഫ് തുടങ്ങിയവരും കൂടെയുണ്ടായിരുന്നു.