ദുര്‍ഗമ്മയെകൊന്നത് ശല്യമൊഴിവാക്കാനെന്ന് പ്രതിയുടെ മൊഴി: അറസ്റ്റ് വെള്ളിയാഴ്ച രേഖപ്പെടുത്തും

കുമ്പള: കര്‍ണാടക ബിജാപൂര്‍ സ്വദേശിനിയായ ദുര്‍ഗമ്മയെ (38) ഉപ്പള ഹിദായത്ത് നഗറിലെ ക്വാര്‍ട്ടേഴ്‌സില്‍വെച്ച് കഴുത്ത് ഞെരിച്ച് കൊലപ്പെടുത്തിയത് ശല്യമൊഴിവാക്കാനാണെന്ന് കസ്റ്റഡിയിലായ പ്രതി ബീജാപൂര്‍ സ്വദേശി സന്തോഷ് (28) ചോദ്യംചെയ്യലില്‍ പോലീസിനോട് പറഞ്ഞു.

നാട്ടില്‍ ഭാര്യയും മക്കളുമുള്ള തന്നെ ദുര്‍ഗമ്മ നാട്ടില്‍പോകാന്‍ സമ്മതിക്കാത്തതിലുള്ള വൈരാഗ്യമാണ് കൊലക്ക് പിന്നിലെന്ന് പ്രതി സമ്മതിച്ചതായും കേസന്വേഷിക്കുന്ന കുമ്പള സി.ഐ. സിബി തോമസ് പറഞ്ഞു. സന്തോഷിന്റെ അറസ്റ്റ് വെള്ളിയാഴ്ച രേഖപ്പെടുത്തും. പ്രതി കൊണ്ടുപോയ ദുര്‍ഗമ്മയുടെ ആഭരണങ്ങളും പണവും കണ്ടെടുക്കാനുണ്ടെന്നും സി.ഐ. പറഞ്ഞു.

ഉടുപ്പിയില്‍ റോഡ് പണിക്കെത്തിയപ്പോഴാണ് ദുര്‍ഗമ്മയും സന്തോഷും പരിചയപ്പെട്ടതും പിന്നീട് പ്രണയത്തിലായതും. അതിന്‌ശേഷം ഇരുവരും ഹിദായത്ത് നഗറിലെ ക്വാര്‍ട്ടേഴ്‌സില്‍ ഭാര്യാ ഭര്‍ത്താക്കന്മാരെപോലെ കഴിഞ്ഞുവരികയായിരുന്നു. അതിനിടെ ആഗസ്റ്റ് രണ്ടിനാണ് ദുര്‍ഗമ്മയെ പുറത്തുനിന്ന് പൂട്ടിയ ക്വാര്‍ട്ടേസിനുള്ളില്‍ മരിച്ചനിലയില്‍ കണ്ടെത്തിയത്. സന്തോഷിനെ കാണാതാവുകയും ചെയ്തിരുന്നു.

Related News:
ദുര്‍ഗമ വധം: കാമുകന്‍ പോലീസ് പിടിയില്‍

ഭര്‍തൃമതിയായ കര്‍ണാടക സ്വദേശിനി ക്വാര്‍ട്ടേഴ്‌സില്‍ കൊല്ലപ്പെട്ട നിലയില്‍; കാമുകനെ തിരയുന്നു

Also read:
മോഡിയെ പ്രശംസിച്ച് വ്യാജവീഡിയോ: അമിതാഭ് ബച്ചന്‍ പൊട്ടിത്തെറിച്ചു