ഡെങ്കിപ്പനി മലയിറങ്ങി നഗരപ്രദേശങ്ങളിലേക്കും; യുവാവ് പനി ബാധിച്ച് മംഗളൂരുവിലെ ആശുപത്രിയില്‍, പനിപ്പേടിയില്‍ പ്രദേശവാസികള്‍

By Web Desk - MainJun 3, 2018, 11:47 IST

കാസര്‍കോട്: (www.kasargodvartha.com 03.06.2018) ഡെങ്കിപ്പനി മലയിറങ്ങി നഗരപ്രദേശങ്ങളിലേക്കും വ്യാപിക്കുന്നു. കാസര്‍കോട് നെല്ലിക്കുന്നില്‍ യുവാവിനെ ഡെങ്കിപ്പനി ബാധിച്ച് മംഗളൂരുവിലെ ആശുപത്രിയില്‍ പ്രവേശിപ്പിച്ചു. ഇതോടെ പനിപ്പേടിയിലാണ് പ്രദേശവാസികള്‍ കഴിയുന്നത്. പനി പടര്‍ന്നു പിടിക്കുന്ന സാഹചര്യമുണ്ടായിട്ടും ആരോഗ്യ വകുപ്പ് ഉണര്‍ന്നു പ്രവര്‍ത്തിക്കുന്നില്ലെന്നാണ് നാട്ടുകാരുടെ പരാതി.

ഒരു യുവാവിനെ ഡെങ്കിപ്പനി ബാധിച്ച് മംഗളൂരുവിലെ ആശുപത്രിയില്‍ പ്രവേശിപ്പിച്ചിട്ടും ആരോഗ്യ വകുപ്പ് പ്രദേശത്ത് ബോധവത്കരണം നടത്താനോ മറ്റോ ഇതു വരെ തയ്യാറായിട്ടില്ലെന്നും നാട്ടുകാര്‍ പറഞ്ഞു.