കുഞ്ഞിനെ വിറ്റതില്‍ മാതാവിനും പങ്ക്; മൂത്തകുട്ടിയെ കണ്ടെത്താന്‍ അന്വേഷണം ഉടുപ്പിയില്‍
Jul 5, 2013, 18:42 IST
കാസര്‍കോട്: രണ്ടു പിഞ്ചുകുഞ്ഞുങ്ങളെ വിറ്റ സംഭവത്തില്‍ പെറ്റമ്മയും കൂട്ടുനിന്നതായി പോലീസന്വേഷണത്തില്‍ തെളിഞ്ഞു. ഇതിന്റെ അടിസ്ഥാനത്തില്‍ കുഞ്ഞുങ്ങളുടെ മാതാവിനെ ചോദ്യം ചെയ്യാനും കേസില്‍ പ്രതിയാക്കാനും പോലീസ് നടപടി സ്വീകരിച്ചു. വിറ്റ മൂത്ത കുഞ്ഞിനെ കണ്ടെത്താന്‍ കര്‍ണാടക ഉടുപ്പിയിലേക്ക് പോലീസ് അന്വേഷണം വ്യാപിപ്പിച്ചു.
നെല്ലിക്കുന്ന് സുനാമി കോളനിയില്‍ താമസിക്കുന്ന രതീഷ് (31), ഭാര്യ പ്രേമ (28) എന്നിവരുടെ രണ്ട് വയസും ആറുമാസവും പ്രായമുള്ള കുട്ടികളെയാണ് 1.60 ലക്ഷം രൂപയ്ക്ക് വിറ്റത്. ഇതില്‍ ആറുമാസം പ്രായമുള്ള ബബ്ലു എന്ന കുട്ടിയെ പോലീസ് കഴിഞ്ഞ ദിവസം കണ്ടെത്തിയിരുന്നു. രണ്ടാഴ്ച മുമ്പ് മംഗലാപുരത്താണ് ബബ്ലുവിനെ വിറ്റത്. സംഭവത്തില്‍ അറസ്റ്റിലായ രതീഷ് ഇപ്പോള്‍ റിമാന്റിലാണ്.
രണ്ടുവയസ് പ്രായമുള്ള നിഖിലിനെയാണ് ഇനി കണ്ടെത്താനുള്ളത്. ഈ കുട്ടിയെ ഒന്നര വര്‍ഷം മുമ്പ് എട്ടുമാസം പ്രായമുള്ളപ്പോഴാണ് 60,000 രൂപയ്ക്ക് വിറ്റത്. ആര്‍ഭാട ജീവിതം നയിക്കാന്‍ എളുപ്പത്തില്‍ പണമുണ്ടാക്കാന്‍ വേണ്ടിയാണ് കുട്ടികളെ വിറ്റതെന്നും ഇതിന് പ്രേമയുടെ സമ്മതമുണ്ടായിരുന്നതായും രതീഷ് പോലീസിന് മൊഴി നല്‍കി. ഇതേതുടര്‍ന്ന് പ്രേമയെ പോലീസ് കസ്റ്റിഡിയിലെടുത്ത് ചോദ്യം ചെയ്യുമെന്നാണ് സൂചന.
നിഖില്‍ ഉഡുപ്പിയിലെ ഒരു വീട്ടിലുള്ളതായാണ് വിവരം. കുട്ടിയെ കണ്ടെത്താന്‍ പോലീസ് സംഘം ഉടുപ്പിയിലെത്തുമെന്ന് കേസന്വേഷിക്കുന്ന ടൗണ്‍ വനിതാ എസ്.ഐ, ടി.പി.സുധ സൂചിപ്പിച്ചു. മത്സ്യത്തൊഴിലാളിയായിരുന്ന രതീഷ് ആ ജോലി ഉപേക്ഷിച്ച് മംഗലാപുരത്ത് ഹോട്ടല്‍ ജോലി ചെയ്യുന്നതിനിടയിലാണ് പ്രേമയുമായി അടുപ്പത്തിലായത്. രതീഷിന് വേറെ ഭാര്യയും അതില്‍ രണ്ടു മക്കളുമുണ്ട്. ഭര്‍ത്താവ് മരിച്ച പ്രേമയ്ക്ക് ആ ബന്ധത്തില്‍ മൂന്ന് മക്കളാണുള്ളത്. കുട്ടികളെ കാണാതായത് സംബന്ധിച്ച് അയല്‍ക്കാര്‍ ചോദിച്ചപ്പോള്‍ അവര്‍ മരിച്ചുപോയതായാണ് രതീഷും പ്രേമയും വിശ്വസിപ്പിച്ചിരുന്നത്.
അതിനിടെ രതീഷ് തന്നെ ഒഴിവാക്കാന്‍ ശ്രമിച്ചുവെന്നാരോപിച്ച് പ്രേമ പോലീസില്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തിലാണ് കുട്ടികളെ വിറ്റ സംഭവത്തിന്റെ ചുരുളഴിഞ്ഞത്. ഇളയ കുട്ടിയെ വില്‍ക്കാന്‍ കൂട്ടുനിന്ന മംഗലാപുരത്തെ അഭിഭാഷകയ്‌ക്കെതിരെയും കുട്ടികളെ വാങ്ങിയവര്‍ക്കെതിരെയും നടപടിയുണ്ടാകുമെന്ന് പോലീസ് സൂചിപ്പിച്ചു.
Related News:
ആഢംബര ജീവിതത്തിന് ദമ്പതിമാര്‍ രണ്ടുമക്കളെ 1.60 ലക്ഷം രൂപയ്ക്ക് വിറ്റു; പിതാവ് കസ്റ്റഡിയില്‍
Keywords: Kasaragod, Karnataka, Childrens, Police, Udupi, Nellikunnu, Wife, Remand, Arrest, Custody, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
നെല്ലിക്കുന്ന് സുനാമി കോളനിയില്‍ താമസിക്കുന്ന രതീഷ് (31), ഭാര്യ പ്രേമ (28) എന്നിവരുടെ രണ്ട് വയസും ആറുമാസവും പ്രായമുള്ള കുട്ടികളെയാണ് 1.60 ലക്ഷം രൂപയ്ക്ക് വിറ്റത്. ഇതില്‍ ആറുമാസം പ്രായമുള്ള ബബ്ലു എന്ന കുട്ടിയെ പോലീസ് കഴിഞ്ഞ ദിവസം കണ്ടെത്തിയിരുന്നു. രണ്ടാഴ്ച മുമ്പ് മംഗലാപുരത്താണ് ബബ്ലുവിനെ വിറ്റത്. സംഭവത്തില്‍ അറസ്റ്റിലായ രതീഷ് ഇപ്പോള്‍ റിമാന്റിലാണ്.
രണ്ടുവയസ് പ്രായമുള്ള നിഖിലിനെയാണ് ഇനി കണ്ടെത്താനുള്ളത്. ഈ കുട്ടിയെ ഒന്നര വര്‍ഷം മുമ്പ് എട്ടുമാസം പ്രായമുള്ളപ്പോഴാണ് 60,000 രൂപയ്ക്ക് വിറ്റത്. ആര്‍ഭാട ജീവിതം നയിക്കാന്‍ എളുപ്പത്തില്‍ പണമുണ്ടാക്കാന്‍ വേണ്ടിയാണ് കുട്ടികളെ വിറ്റതെന്നും ഇതിന് പ്രേമയുടെ സമ്മതമുണ്ടായിരുന്നതായും രതീഷ് പോലീസിന് മൊഴി നല്‍കി. ഇതേതുടര്‍ന്ന് പ്രേമയെ പോലീസ് കസ്റ്റിഡിയിലെടുത്ത് ചോദ്യം ചെയ്യുമെന്നാണ് സൂചന.
നിഖില്‍ ഉഡുപ്പിയിലെ ഒരു വീട്ടിലുള്ളതായാണ് വിവരം. കുട്ടിയെ കണ്ടെത്താന്‍ പോലീസ് സംഘം ഉടുപ്പിയിലെത്തുമെന്ന് കേസന്വേഷിക്കുന്ന ടൗണ്‍ വനിതാ എസ്.ഐ, ടി.പി.സുധ സൂചിപ്പിച്ചു. മത്സ്യത്തൊഴിലാളിയായിരുന്ന രതീഷ് ആ ജോലി ഉപേക്ഷിച്ച് മംഗലാപുരത്ത് ഹോട്ടല്‍ ജോലി ചെയ്യുന്നതിനിടയിലാണ് പ്രേമയുമായി അടുപ്പത്തിലായത്. രതീഷിന് വേറെ ഭാര്യയും അതില്‍ രണ്ടു മക്കളുമുണ്ട്. ഭര്‍ത്താവ് മരിച്ച പ്രേമയ്ക്ക് ആ ബന്ധത്തില്‍ മൂന്ന് മക്കളാണുള്ളത്. കുട്ടികളെ കാണാതായത് സംബന്ധിച്ച് അയല്‍ക്കാര്‍ ചോദിച്ചപ്പോള്‍ അവര്‍ മരിച്ചുപോയതായാണ് രതീഷും പ്രേമയും വിശ്വസിപ്പിച്ചിരുന്നത്.
അതിനിടെ രതീഷ് തന്നെ ഒഴിവാക്കാന്‍ ശ്രമിച്ചുവെന്നാരോപിച്ച് പ്രേമ പോലീസില്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തിലാണ് കുട്ടികളെ വിറ്റ സംഭവത്തിന്റെ ചുരുളഴിഞ്ഞത്. ഇളയ കുട്ടിയെ വില്‍ക്കാന്‍ കൂട്ടുനിന്ന മംഗലാപുരത്തെ അഭിഭാഷകയ്‌ക്കെതിരെയും കുട്ടികളെ വാങ്ങിയവര്‍ക്കെതിരെയും നടപടിയുണ്ടാകുമെന്ന് പോലീസ് സൂചിപ്പിച്ചു.
ആഢംബര ജീവിതത്തിന് ദമ്പതിമാര്‍ രണ്ടുമക്കളെ 1.60 ലക്ഷം രൂപയ്ക്ക് വിറ്റു; പിതാവ് കസ്റ്റഡിയില്‍
Keywords: Kasaragod, Karnataka, Childrens, Police, Udupi, Nellikunnu, Wife, Remand, Arrest, Custody, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
Tags
Share this story
