ബൈക്കുമായി കൂട്ടിയിടിച്ച് കാര്‍ മറിഞ്ഞു; 4 പേര്‍ക്ക് പരിക്ക്, ബൈക്ക് യാത്രക്കാരന് ഗുരുതരം

By Web Desk - MainOct 23, 2019, 11:51 IST

ഉളിയത്തടുക്ക: (www.kasargodvartha.com 22.10.2019) ബൈക്കുമായി കൂട്ടിയിടിച്ച് കാര്‍ മറിഞ്ഞു. അപകടത്തില്‍ നാലു പേര്‍ക്ക് പരിക്കേറ്റു. ഉളിയത്തടുക്ക പള്ളം ജംഗ്ഷന് സമീപം ചൊവ്വാഴ്ച വൈകിട്ടോടെയാണ് അപകടമുണ്ടായത്. പി കെ മുഹമ്മദ് ഷരീഫിന്റെ ഉടമസ്ഥതയിലുള്ള നാനോ കാറും അബ്ദുല്‍ ഹാരിസിന്റെ ഉടമസ്ഥതയിലുള്ള യൂണികോണ്‍ ബൈക്കുമാണ് അപകടത്തില്‍പെട്ടത്.

ഹാരിസും ജിത്തുവുമാണ് ബൈക്കിലുണ്ടായിരുന്നത്. ഹാരിസിന്റെ നില ഗുരുതരമായതിനാല്‍ മംഗളൂരുവിലെ ആശുപത്രിയിലേക്ക് മാറ്റി. കാറിലുണ്ടായിരുന്ന രണ്ടു പേര്‍ പരിക്കുകളോടെ രക്ഷപ്പെടുകയായിരുന്നു.