12 പവനും 5 ലക്ഷം രൂപയുമായി യുവതി വീടുവിട്ടു

By Web Desk SUMay 22, 2018, 20:29 IST

കാഞ്ഞങ്ങാട്: (www.kasargodvartha.com 22.05.2018) 12 പവനും അഞ്ച് ലക്ഷം രൂപയുമായി ഫൈനാന്‍സ് ഉടമയുടെ ഭാര്യ നാടുവിട്ടു. കാഞ്ഞങ്ങാട്ടെ തമ്പുരാട്ടി ഫൈനാന്‍സ് ഉടമയും ആവിക്കര എന്‍ കെ ക്വാര്‍ട്ടേഴ്‌സില്‍ താമസക്കാരനുമായ സന്തോഷിന്റെ ഭാര്യ യോഗിത (34) ആണ് വീടുവിട്ടത്. കഴിഞ്ഞ ദിവസം ഉച്ചയോടെയാണ് സംഭവം.

ആശുപത്രിയിലേക്കാണെന്ന് പറഞ്ഞാണ് യോഗിത വീട്ടില്‍ നിന്നിറങ്ങിയത്. എന്നാല്‍ ഏറെ വൈകിയിട്ടും തിരിച്ചെത്താത്തതിനെ തുടര്‍ന്ന് അന്വേഷിക്കുന്നതിനിടയിലാണ് അലമാരയില്‍ നിന്ന് 12 പവനും അഞ്ച് ലക്ഷം രൂപയും നഷ്ടപ്പെട്ട വിവരം അറിഞ്ഞത്. പത്ത് വയസുള്ള മകളെ വീട്ടിലാക്കിയാണ് യോഗിത പോയത്.