തെരുവ് നായയുടെ കടിയേറ്റ് പഞ്ചായത്തംഗം ഉള്‍പ്പെടെ മൂന്നുപേര്‍ക്ക് പരിക്ക്

By Web Desk SNJul 17, 2017, 19:26 IST

ചിറ്റാരിക്കാല്‍: (www.kasargodvartha.com 17.07.2017) തെരുവ് നായയുടെ കടിയേറ്റ് പഞ്ചായത്തംഗം ഉള്‍പ്പെടെ മൂന്നുപേര്‍ക്ക് പരിക്കേറ്റു. ചെറുപുഴ പഞ്ചായത്ത് പതിമൂന്നാം വാര്‍ഡ് മെമ്പര്‍ ബിന്ദു (28), തിരുമേനിയിലെ അഭിലാഷ് (38), ജോഫിന്‍ (17) എന്നിവരെയാണ് നായയുടെ കടിയേറ്റ് ജില്ലാ ആശുപത്രിയില്‍ പ്രവേശിപ്പിച്ചത്.

ഞായറാഴ്ച ജോസിനെ കടിച്ച നായ പിന്നീട് ബിന്ദുവിനെയും അഭിലാഷിനെയും കടിച്ച് പരിക്കേല്‍പ്പിക്കുകയായിരുന്നു. പതിമൂന്നാം വാര്‍ഡില്‍ തെരുവു നായ ശല്യം രൂക്ഷമായതായി നാട്ടുകാരുടെ പരാതി ലഭിച്ചതിനെ തുടര്‍ന്ന് പഞ്ചായത്ത് മെമ്പറായ ബിന്ദു വാര്‍ഡില്‍ കയറി പരിശോധനയ്ക്കായി ചെന്നപ്പോഴാണ് തെരുവുനായയുടെ കടിയേറ്റത്.