നാട്ടിലേക്ക് പോകുന്നുവെന്ന് പറഞ്ഞ് പോയ 40 കാരനെ കാണാതായതായി പരാതി

By Web Desk - MainDec 10, 2018, 19:49 IST

കാസര്‍കോട്: (www.kasargodvartha.com 10.12.2018) നാട്ടിലേക്ക് പോകുന്നുവെന്ന് പറഞ്ഞ് പോയ 40 കാരനെ കാണാതായതായി പരാതി. കൊല്ലം കരുനാഗപ്പള്ളി സ്വദേശിയും തൃക്കരിപ്പൂര്‍ തൈക്കീലില്‍ വാടകക്വാര്‍ട്ടേഴ്‌സില്‍ താമസക്കാരനുമായ എസ് സുനിലിനെ (40)യാണ് കാണാതായത്. ഇക്കഴിഞ്ഞ ഓഗസ്റ്റില്‍ സ്വന്തം നാടായ കരുനാഗപ്പള്ളിയിലേക്ക് പോകുന്നുവെന്ന് പറഞ്ഞ് തൃക്കരിപ്പൂരില്‍ നിന്നും ട്രെയിന്‍ കയറിയതായിരുന്നു.

മൂന്നു മാസം കഴിഞ്ഞിട്ടും ഇതുവരെ തിരിച്ചെത്തുകയോ യാതൊരു വിവരമോ ലഭിക്കുകയും ചെയ്തിട്ടില്ലെന്ന് ബന്ധുക്കള്‍ പോലീസില്‍ നല്‍കിയ പരാതിയില്‍ പറയുന്നു. വിവരം ലഭിക്കുന്നവര്‍ ചന്തേര പോലീസ് സ്റ്റേഷനില്‍ അറിയിക്കണം. ഫോണ്‍: 04672 210242.