കളിക്കാന്‍ പോയ വിദ്യാര്‍ത്ഥിയെ കാണാതായി; പുഴയില്‍ ഒഴുക്കില്‍പെട്ടതായി സംശയം

കാസര്‍കോട്: സ്‌കൂള്‍ വിട്ട് വന്ന് കളിക്കാന്‍ പോയ ഒമ്പതാം തരം വിദ്യാര്‍ത്ഥിയെ കാണാതായി. തിരച്ചിലില്‍ പുഴയോരത്ത് അഴിച്ചുവെച്ചനിലയില്‍ ഷര്‍ട്ടും പാന്റ്‌സും ചെരുപ്പും കണ്ടെത്തി. ഇതോടെ പുഴയില്‍ ഒഴുക്കില്‍പെട്ടതാകാമെന്ന നിഗമനത്തില്‍ തിരച്ചില്‍ ഊര്‍ജിതമാക്കിവരികയാണ്.

തളങ്കര ഗവണ്‍മെന്റ് മുസ്‌ലിം ഹയര്‍സെക്കന്‍ഡറി സ്‌കൂളിലെ ഒമ്പതാം തരം വിദ്യാര്‍ത്ഥിയും കെ.കെ.പുറം എം.എച്ച്. ഹൗസിലെ മുഹമ്മദ് കുഞ്ഞിയുടെ മകനുമായ സഗീര്‍ അബ്ബാസി (14) നെയാണ് കാണാതായത്. ബുധനാഴ്ച വൈകിട്ട് നാലര മണിയോടെയാണ് സഗീര്‍ അബ്ബാസ് വീട്ടില്‍നിന്നിറങ്ങിയത്. തുടര്‍ന്ന് കാണാതാവുകയായിരുന്നു. വീട്ടുകാര്‍ വിവരം അറിയിച്ചതനുസരിച്ച് പോലീസ് ഫഌയിംഗ് സ്‌ക്വാഡും നാട്ടുകാരും ഏറെനേരം തിരച്ചില്‍ നടത്തി. അപ്പോഴാണ് പുഴയോരത്ത് വസ്ത്രങ്ങള്‍ കണ്ടെത്തിയത്. തുടര്‍ന്ന് ഫയര്‍ഫോഴ്‌സും തിരച്ചിലിനെത്തി. രാത്രി വൈകുംവരെ തിരച്ചില്‍ തുടര്‍ന്നെങ്കിലും ഫലമുണ്ടായില്ല.

വസ്ത്രവും ചെരിപ്പും കണ്ട സ്ഥലത്ത് ചന്ദ്രഗിരിപ്പുഴയുടെ കെ.കെ.പുറം കുദൂര്‍ ഭാഗത്ത് ഫയര്‍ഫോഴ്‌സും നാട്ടുകാരും ചേര്‍ന്ന് വ്യാഴാഴ്ച രാവിലെ മുതല്‍ തിരച്ചില്‍ നടത്തിവരികയാണ്. തിരച്ചിലിനിടെ കല്ലുമ്മക്കായത്തോട് കൊണ്ട് രണ്ട് ഫയര്‍ഫോഴ്‌സ് ജീവനക്കാരുടെ കാലിന് മുറിവേറ്റു. മുഹമ്മദ് കുഞ്ഞി - സൗദ ദമ്പതികളുടെ മൂത്തമകനാണ് കാണാതായ സഗീര്‍ അബ്ബാസ്. ജാഫര്‍ സാദിഖ്, ശംസീര്‍ എന്നിവര്‍ സഹോദരങ്ങളാണ്.

Also read:
നോട്ട് മാലകള്‍ ഉപയോഗിക്കരുതെന്ന് റിസര്‍വ് ബാങ്ക്

Keywords:  Missing, Student, Kasaragod, Drown, Thalangara, Police, Fire force, Kerala, Sageer Abbas, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: