കാട്ടുപന്നി കുറുകെചാടി; സ്‌കൂട്ടര്‍ മറിഞ്ഞ് യുവാവിന് പരിക്ക്

By Web Desk - MainMay 11, 2019, 09:21 IST

രാജപുരം: (www.kasargodvartha.com 11.05.2019) കാട്ടുപന്നി കുറുകെചാടിയതിനെ തുടര്‍ന്ന് സ്‌കൂട്ടര്‍ മറിഞ്ഞ് യുവാവിന് പരിക്കേറ്റു. കോളിച്ചാല്‍ കൊളപ്പുറത്തെ ജനകീയ ജീപ്പിന്റെ ഡ്രൈവര്‍ ടി വിനീതി (31)നാണ് പരിക്കേറ്റത്. പൂടംകല്ല് താലൂക്ക് ആശുപത്രിയില്‍ പ്രവേശിപ്പിട്ടുയ വിനീതിന്റെ ഇരുകൈകള്‍ക്കും പരിക്കുണ്ട്. വെള്ളിയാഴ്ച രാവിലെ ഏഴുമണിയോടെയാണ് അപകടമുണ്ടായത്.

ജോലിക്ക് പോകുന്നതിനിടെ കാട്ടുപന്നി സ്‌കൂട്ടറിന് മുന്നിലേക്ക് എടുത്തുചാടുകയും നിയന്ത്രണംവിട്ട് സ്‌കൂട്ടര്‍ മറിയുകയുമായിരുന്നുവെന്ന് ആശുപത്രിയില്‍ കഴിയുന്ന വിനീത് പറഞ്ഞു. പ്രദേശത്ത് കാട്ടുപന്നികളുടെ പരാക്രമം ജനങ്ങളെ ദുരിതത്തിലാഴ്ത്തിയിട്ടുണ്ട്.