ബൈക്കും കാറും കൂട്ടിയിടിച്ച് യുവാവിന് പരിക്ക്

By Web Desk - MainJan 20, 2019, 15:55 IST

ബന്തിയോട്: (www.kasargodvartha.com 20.01.2019) ബൈക്കും കാറും കൂട്ടിയിടിച്ച് യുവാവിന് ഗുരുതുരമായി പരിക്കേറ്റു. ശനിയാഴ്ച വൈകിട്ട് അട്ക്കത്ത് വെച്ചാണ് അപകടമുണ്ടായത്. ബന്തിയോട് പഞ്ചത്തൊട്ടിയിലെ ഹാരിസിനാണ് (20) ഗുരുതരമായി പരിക്കേറ്റത്. ഹാരിസിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചു.

ഹാരിസ് ഓടിക്കുകയായിരുന്ന ബൈക്കും എതിരെ വരികയായിരുന്ന കാറും കൂട്ടിയിടിക്കുകയായിരുന്നു. ഓടിക്കൂടിയ നാട്ടുകാരാണ് പരിക്കേറ്റ ഹാരിസിനെ ആശുപത്രിയിലെത്തിച്ചത്. അപകടത്തില്‍ ബൈക്ക് പൂര്‍ണമായും തകര്‍ന്നു.