വിവാഹത്തിന് പോയി മടങ്ങുകയായിരുന്ന 20കാരിയെ മാനഭംഗപ്പെടുത്താന്‍ ശ്രമം; യുവാവ് പിടിയില്‍

By Web Desk - MainApr 16, 2018, 14:55 IST

കാസര്‍കോട്: (www.kasargodvartha.com 16.04.2018) വിവാഹത്തിന് പോയി വീട്ടിലേക്ക് മടങ്ങുകയായിരുന്ന 20കാരിയെ മാനഭംഗപ്പെടുത്താന്‍ ശ്രമിച്ച യുവാവിനെ പോലീസ് പിടികൂടി. കുഡ്‌ലു വെള്ളിമൊഗറിലെ ശിവനെ (36)യാണ് പോലീസ് കസ്റ്റഡിയിലെടുത്തത്. ഞായറാഴ്ച രാത്രി 10.30 മണിയോടെ കുഡ്‌ലുവില്‍ വെച്ചാണ് സംഭവം. ഏരിയാലിലെ ബന്ധുവീട്ടില്‍ വിവാഹത്തിന് പോയി തിരിച്ചുവന്ന യുവതി വീട്ടിലേക്ക് നടന്നുപോകുമ്പോള്‍ വഴിയില്‍വെച്ചാണ് ശിവന്‍ കൈക്ക് കടന്നു പിടിച്ച് മാനഭംഗപ്പെടുത്താന്‍ ശ്രമിച്ചത്.

യുവതിയുടെ നിലവിളി കേട്ട് ആളുകള്‍ ഓടിയെത്തിയപ്പോള്‍ ശിവന്‍ രക്ഷപ്പെടുകയായിരുന്നു. ഇയാളെ പിന്നീട് പോലീസ് കസ്റ്റഡിയിലെടുക്കുകയായിരുന്നു.