യൂത്ത് കോണ്‍ഗ്രസ് നേതാവിന്റെ വീട്ടുമുറ്റത്ത് നിര്‍ത്തിയിട്ടിരുന്ന ഓട്ടോറിക്ഷയും ബൈക്കും തകര്‍ത്തു

By kvarthakgd1Jul 3, 2017, 16:41 IST

തൃക്കരിപ്പൂര്‍: (www.kasargodvartha.com 03.07.2017) യൂത്ത് കോണ്‍ഗ്രസ് നേതാവിന്റെ വീട്ടുമുറ്റത്ത് നിര്‍ത്തിയിട്ടിരുന്ന ഓട്ടോറിക്ഷയും ബൈക്കും തകര്‍ത്തു. പടന്ന മണ്ഡലം യൂത്ത് കോണ്‍ഗ്രസ് പ്രസിഡണ്ട് ഉദിനൂര്‍ പരത്തിച്ചാലിലെ എ.ജി. ഖമറുദ്ദീന്റെ വീട്ടുമുന്നില്‍ നിര്‍ത്തിയിട്ടിരുന്ന ഓട്ടോറിക്ഷയും ബൈക്കുമാണ് തകര്‍ത്തത്. സംഭവത്തില്‍ ഖമറുദ്ദീന്റെ പരാതിയില്‍ ചന്ദേര പോലീസ് അന്വേഷണം ആരംഭിച്ചു.

ഓട്ടോറിക്ഷയുടെ സീറ്റുകളും മറ്റും കുത്തിക്കീറിയ നിലയിലാണ്. സൈഡ് മിററുകള്‍ അക്രമികള്‍ തല്ലിതകര്‍ത്തു. ഓട്ടോറിക്ഷക്ക് സമീപം നിര്‍ത്തിയിട്ട ഖമറുദ്ദീന്റെ സഹോദരി ഭര്‍ത്താവ് എ.ബി. അബ്ദുല്‍ സമദ് ഹാജിയുടെ ബജാജ് ഡിസ്‌കവര്‍ ബൈക്കാണ് തകര്‍ക്കപ്പെട്ടത്.