ലഹരി ഉപയോഗിച്ച് സ്വയം നിയന്ത്രിക്കാനാകാതെ വഴി യാത്രക്കാരെ ശല്യപ്പെടുത്തിയ യുവാവ് അറസ്റ്റില്‍

By WebDesk OmegaJan 9, 2020, 13:40 IST

കാസര്‍കോട്: (www.kasargodvartha.com 09.01.2020) ലഹരി ഉപയോഗിച്ച് സ്വയം നിയന്ത്രിക്കാനാകാതെ വഴി യാത്രക്കാരെ ശല്യപ്പെടുത്തിയ യുവാവിനെ കാസര്‍കോട് ടൗണ്‍ പോലീസ് അറസ്റ്റ് ചെയ്തു. കുഡ് ലു മന്നിപാടിയിലെ അബ്ദുല്‍ സമദിനെ(34) ആണ് അറസ്റ്റ് ചെയ്തത്.

ബുധനാഴ്ച രാവിലെ 7.30 മണിയോടെ മന്നിപാടി ബസ് സ്റ്റാന്‍ഡില്‍ ഇരുന്ന് ലഹരി ഉപയോഗിച്ച് ശേഷം വഴി യാത്രക്കീരെ ശല്യപ്പെടുത്തിയതിനെ തുടര്‍ന്ന് നാട്ടുകാര്‍ പോലീസില്‍ പരാതി നല്‍കുകയായിരുന്നു. പിന്നീട് പോലീസെത്തി പോലീസ് യുവാവിനെ കസ്റ്റഡിയിലെടുത്തു.