മരം കടപുഴകി റോഡിന് നടുവില്‍ വീണ് ഗതാഗതം സ്തംഭിച്ചു

By Web Desk - MainJun 17, 2019, 16:11 IST

ബദിയടുക്ക: (www.kasargodvartha.com 17.06.2019) മരം കടപുഴകി റോഡിന് നടുവില്‍ വീണ് ഗതാഗതം സ്തംഭിച്ചു. ചെര്‍ക്കള-കല്ലടുക്ക സംസ്ഥാനപാതയിലെ കരിമ്പിലയിലാണ് സംഭവം. ഞായറാഴ്ച ഉച്ചയ്ക്ക് 1.30 മണിയോടെയാണ് മരം കടപുഴകി റോഡിന് നടുവില്‍ വീണത്. ഇതുമൂലം ഒന്നരമണിക്കൂറോളം പാതയില്‍ ഗതാഗതം തടസപ്പെട്ടു.

വിവരമറിഞ്ഞ് കാസര്‍കോട്ടു നിന്ന് ഫയര്‍ഫോഴെത്തി നാട്ടുകാരുടെയും ബസ് ജീവനക്കാരുടെയും സഹായത്തോടെ മരം മുറിച്ചുമാറ്റിയ ശേഷമാണ് ഗതാഗതം പുന:സ്ഥാപിച്ചത്. ഈ ഭാഗങ്ങളില്‍ ഇത്തരത്തില്‍ അപകടാവസ്ഥയിലുള്ള നിരവധി മരങ്ങളുണ്ട്. അപകട ഭീഷണിയുയര്‍ത്തുന്ന മരങ്ങള്‍ എത്രയും പെട്ടെന്ന് മുറിച്ചുമാറ്റണമെന്നാണ് നാട്ടുകാരുടെ ആവശ്യം.

Photo: File