ദേശീയപാതയില്‍ ടാങ്കര്‍ ലോറി നിയന്ത്രണംവിട്ട് കുഴിയിലേക്ക് മറിഞ്ഞു

By Web Desk - MainAug 7, 2018, 13:14 IST

കുമ്പള: (www.kasargodvartha.com 07.08.2018) ദേശീയപാതയില്‍ ടാങ്കര്‍ ലോറി നിയന്ത്രണംവിട്ട് കുഴിയിലേക്ക് മറിഞ്ഞു. കുമ്പള ഹനുമാന്‍ ക്ഷേത്രത്തിന് സമീപം ചൊവ്വാഴ്ച പുലര്‍ച്ചെ ഒരു മണിയോടെയാണ് അപകടമുണ്ടായത്. അപകടത്തില്‍ ഡ്രൈവര്‍ പരിക്കേല്‍ക്കാതെ അത്ഭുതകരമായി രക്ഷപ്പെട്ടു. അപകടമുണ്ടായതിനെ തുടര്‍ന്ന് ദേശീയപാതയില്‍ ഗതാഗതം തടസപ്പെട്ടു.

വിവരമറിഞ്ഞ് കുമ്പള സി ഐ പ്രേംസദന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി. വാഹനങ്ങള്‍ ആരിക്കാടി വഴി തിരിച്ചുവിട്ടു. മംഗളൂരു ഭാഗത്തു നിന്നും ഗ്യാസ് നിറച്ച് വരികയായിരുന്ന ടാങ്കര്‍ ലോറിയാണ് അപകടത്തില്‍പെട്ടത്.