കടല്‍ക്ഷോഭം ശക്തം; 5 വീട്ടുകാരെ മാറ്റിപ്പാര്‍പ്പിച്ചു

By Web Desk - MainApr 22, 2018, 20:20 IST

കുമ്പള: (www.kasargodvartha.com 22.04.2018) ഉപ്പള മൂസോടി കടപ്പുറത്തും കുമ്പള കോയിപ്പാടി കടപ്പുറത്തും കടല്‍ ക്ഷോഭം ശക്തമായി. വെള്ളം കയറിയതിനെ തുടര്‍ന്ന് അഞ്ചു വീടുകളിലെ കുടുംബങ്ങളെ മാറ്റിപ്പാര്‍പ്പിച്ചു. ചില വീടുകള്‍ കടലില്‍ ഒലിച്ചുപോയി. കടല്‍ക്ഷോഭം ഭയന്ന് വീടുകാലിയാക്കിയവരുടെ വീടുകളാണ് കടലില്‍ ഒലിച്ചുപോയത്.

ഈ പ്രദേശത്തെ 20ഓളം വീടുകളില്‍ വെള്ളം കയറിയിട്ടുണ്ട്. വൈദുതിബന്ധം വിച്ഛേദിച്ചിട്ടുണ്ട്. ഹാര്‍ബര്‍ നിര്‍മാണത്തിന്റെ അപാകതയാണ് വെള്ളം കയറാന്‍ കാരണമെന്നാണ് ആക്ഷേപം. സ്ഥലത്ത് പോലീസും വില്ലേജ് ഓഫീസറും റെവന്യൂ ഡിപാര്‍ട്‌മെന്റ് ഉദ്യോഗസ്ഥരും ക്യാമ്പ് ചെയ്യുന്നുണ്ട്.