പോലീസിനെ കണ്ട് മണല്‍വാരല്‍സംഘം ഓടി രക്ഷപ്പെട്ടു; ലോറി കസ്റ്റഡിയില്‍

By Web Desk SNOct 8, 2017, 17:32 IST

കാസര്‍കോട്: (www.kasargodvartha.com 08.10.2017) പുഴയില്‍ നിന്ന് മണല്‍ വാരുന്നതിനിടയില്‍ പോലീസിനെ കണ്ട് സംഘം ഓടിരക്ഷപ്പെട്ടു. മണല്‍കടത്താന്‍ കൊണ്ടുവന്ന ടിപ്പര്‍ ലോറി പോലീസ് കസ്റ്റഡിയിലെടുത്തു. കെഎല്‍14 ജെ7214 ടിപ്പര്‍ ലോറിയാണ് പിടികൂടിയത്. ശനിയാഴ്ച രാത്രി 10 മണിയോടെ വയലാംകുഴി പുഴക്കരയിലാണ് സംഭവം.

മണല്‍വാരല്‍ സംഘത്തിനും ഡ്രൈവര്‍ക്കുമെതിരെ മോഷണകുറ്റം ചുമത്തി പോലീസ് കേസെടുത്തു. പുഴയില്‍ നിന്നും മണല്‍ വാരുന്നത് നേരിട്ട് കണ്ടതിനാലാണ് ഇവര്‍ക്കെതിരെ മോഷണകുറ്റം ചുമത്തിയത്. ടിപ്പര്‍ വിദ്യാനഗര്‍ എസ്.ഐ കെ.പി വിനോദ് കുമാറിന്റെ നേതൃത്വത്തിലാണ് ലോറി കസ്റ്റഡിയിലെടുത്തത്.