പുറത്തുപോയ സമയം വീട്ടില്‍ കവര്‍ച്ച നടന്നതായി പരാതി; നഷ്ടപ്പെട്ടത് 2 പവന്‍ സ്വര്‍ണം

By Web Desk - MainMay 31, 2018, 09:21 IST

കാസര്‍കോട്: (www.kasargodvartha.com 31.05.2018) പുറത്തുപോയ സമയം വീട്ടില്‍ കവര്‍ച്ച നടന്നതായി പരാതി. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു. പന്നിപ്പാറയിലെ ജാക്വിലിന്‍ റൈനയുടെ വീട്ടില്‍ മോഷണം നടന്നുവെന്നാണ് പരാതി. വീട്ടുകാര്‍ പുറത്തുപോയ സമയം വീട്ടില്‍ കയറി അലമാരയില്‍ സൂക്ഷിച്ചിരുന്ന രണ്ടു പവന്‍ സ്വര്‍ണവും ആയിരം രൂപയും കവര്‍ച്ച ചെയ്തതായാണ് പോലീസില്‍ നല്‍കിയ പരാതിയില്‍ പറയുന്നത്.

അതേസമയം സമീപത്തെ ജമീലയുടെ വീട്ടിലും കവര്‍ച്ചാ ശ്രമം നടന്നതായി പരാതിയുണ്ട്. ഇരുസംഭവത്തിലും പോലീസ് അന്വേഷണം നടത്തിവരുന്നു.