ബൈക്കില്‍ മറ്റൊരു ബൈക്കിടിച്ച് പോലീസുകാരന് പരിക്ക്

By Web Desk SNAug 10, 2017, 16:27 IST

ബദിയടുക്ക: (www.kasargodvartha.com 10.08.2017) ബൈക്കില്‍ മറ്റൊരു ബൈക്കിടിച്ച് പോലീസുകാരന് പരിക്കേറ്റു. ബദിയടുക്ക പൊലീസ് സ്റ്റേഷനിലെ സീനിയര്‍ സിവില്‍ പോലീസ് ഓഫീസര്‍ കാസര്‍കോട്ടെ വാമന (48) യ്ക്കാണ് പരിക്കേറ്റത്. വാമനയെ കുമ്പളയിലെ സഹകരണാശുപത്രിയില്‍ പ്രവേശിപ്പിച്ചു.

ബുധനാഴ്ച ബേളയിലാണ് അപകടമുണ്ടായത്. വാമന സഞ്ചരിച്ചിരുന്ന ബൈക്കില്‍ ബിനീഷ് ഓടിച്ചിരുന്ന ബൈക്കിടിക്കുകയായിരുന്നു. സംഭവത്തില്‍ ബിനീഷിനെതിരെ പൊലീസ് കേസെടുത്തു.