പ്രായപൂര്‍ത്തിയാകാത്ത വിദ്യാര്‍ത്ഥിനിയെ പീഡിപ്പിച്ചു; യു പി സ്വദേശിക്കെതിരെ പൊലീസ് കേസെടുത്തു, സംഭവം പുറത്തുവന്നത് മറ്റൊരു കേസില്‍ വിശദ മൊഴിയെടുക്കുന്നതിനിടെ

കാസര്‍കോട്: (www.kasargodvartha.com 24.05.2020) പ്രായപൂര്‍ത്തിയാകാത്ത വിദ്യാര്‍ത്ഥിനിയെ കൂട്ടികൊണ്ടുപോയി പീഡിപ്പിച്ച ഉത്തര്‍പ്രദേശുകാരനെതിരെ പൊലീസ് കേസെടുത്തു. കഴിഞ്ഞവര്‍ഷം ഡിസംബറില്‍ ഷിറിബാഗിലുവിലാണ് സംഭവം. ബാര്‍ബര്‍ തൊഴിലാളിയായ ബയ്യ എന്ന മുപ്പത്തിയഞ്ചുകാരനെതിരെയാണ് കാസര്‍കോട് പൊലീസ് കേസെടുത്തത്. കഴിഞ്ഞ ഡിസംബറില്‍ വിദ്യാര്‍ത്ഥിനിയായ പതിനൊന്നുകാരിയെ പ്രലോഭിപ്പിച്ച് വാടക വീട്ടിലേക്ക് കൂട്ടികൊണ്ടുപോയി പീഡനത്തിനിരയാക്കുകയായിരുന്നു.

കഴിഞ്ഞ വര്‍ഷം ഒരു സ്‌കൂളില്‍ നടന്ന പീഡനക്കേസ് അന്വേഷണവുമായി ബന്ധപ്പെട്ട് പൊലീസ് കുട്ടികളുടെ മൊഴിയെടുക്കുന്നതിനിടെയാണ് വിദ്യാര്‍ത്ഥിനി പുതിയ വിവരം പുറത്തുപറഞ്ഞത്. പീഡിപ്പിച്ച ശേഷം തന്നെ ഭീഷണിപ്പെടുത്തിയതായും ഇതിനാലാണ് സംഭവം പുറത്തു പറയാതിരുന്നതെന്നും പെണ്‍കുട്ടി പോലീസില്‍ മൊഴി നല്‍കി. കാസര്‍കോട് പൊലീസ് കേസെടുത്ത് അന്വേഷണം ആരംഭിച്ചു. ലോക് ഡൗണ്‍ പ്രഖ്യാപിച്ചതോടെ യുവാവ് നാട്ടിലേക്ക് പോയതായി പോലീസ് കണ്ടെത്തി. കൂടുതല്‍ അന്വേഷണം നടന്നുവരുന്നതായി പൊലീസ് അറിയിച്ചു.


Keywords: Kasaragod, News, Kerala, case, Student, Police, school, Police case against UP native