പോലീസിനെ കയ്യേറ്റം ചെയ്തു; 50 പേര്‍ക്കെതിരെ കേസ്

By Web Desk SUApr 18, 2019, 16:33 IST

ഉപ്പള: (www.kasargodvartha.com 18.04.2019) പോലീസിനെ കയ്യേറ്റം ചെയ്യുകയും ഔദ്യോഗിക കൃത്യനിര്‍വഹണം തടസപ്പെടുത്തുകയും ചെയ്ത സംഭവത്തില്‍ 50 പേര്‍ക്കെതിരെ മഞ്ചേശ്വരം പോലീസ് സ്വമേധയാ കേസെടുത്തു.

ബുധനാഴ്ച രാത്രി ഉപ്പള ഐല മൈതാനിക്ക് സമീപത്തെ ക്ഷേത്രത്തില്‍ ആഘോഷപരിപാടിയുടെ ഭാഗമായി ഗാനമേള നടക്കുന്നതിനിടെ ഒരു കാര്‍ അമിതവേഗതയില്‍ ഓടിച്ചുപോയത് പോലീസ് ചോദ്യം ചെയ്തപ്പോഴാണ് പോലീസിനെതിരെ കയ്യേറ്റമുണ്ടായത്. രാത്രി 10 മണിയോടെയായിരുന്നു സംഭവം. പ്രതികള്‍ക്ക് വേണ്ടി അന്വേഷണം ഊര്‍ജിതമാക്കിയതായി മഞ്ചേശ്വരം പോലീസ് അറിയിച്ചു.